亞萊嘜嘜 (已結業)

假期无事做，去荃湾逛逛街。搭巴士日日都喺千色店落车，行过见到大家乐楼上开左间泰国野，好似几吸引。行到天桥，见到佢派埋传单，咁有诚意，今日就一于试一试佢咩料上到去都几多客，装修都几靓。我地四个人，分别叫了两个「无骨海南鸡饭」和两个「无骨猪手饭」因为本人不是食海南鸡，未能给予评语。友人虽然食晒啲鸡肉，但指味道麻麻。附上的冬瓜汤都可以接受。等左好耐，终于都上我碟猪手饭喇!可惜...第一眼见到，卖相都扣晒分。猪皮焖到淋pat pat，啲肉又散晒，肥膏占好多。如果猪手系烧的话，我相信会好食好多，皮会烧到脆卜卜添。可能佢怕食客会觉得焖猪手，食得多会好漏，仲有些酸菜喺旁边和酸酸的酱料附上。（不过...两样野本人都觉得不好吃，好唔夹）唯一赞嘅系...碗饭大到我地个个都食唔晒，一定食得饱。