皇牌冰廳 (砵蘭街)

营业中

休息中

见佢新开咪同老婆试下，晚上20:00时段，场内够大但得4，5位客人，老婆先叫左个皇牌猪扒饭，见幅图靓所以去试，我就叫左个烧春鸡拼比目鱼跟薯菜，两个罗宋汤，先讲汤，黎到够热，好浓味，两碗都好饮，餐包又热正，谂住汤都咁好，食物冇衰啦，点知……唉皇牌焗猪扒饭，居然会系白饭底，猪扒1块冇切件，原块上，相入面D番茄得1粒，味道差到呢，又唔酸又冇味，咁仲叫皇牌焗猪扒饭，揾自己笨，到烧春鸡喇，只春鸡好似烧左好耐，D鸡皮橡皮胶咁，D鸡肉干晒冇水份，比目鱼有小小生，D 薯条我以为系薯粒，碎晒，又唔热，有小小冻，成餐厅得4，5位客人D出品都可以咁，卒之食左小小全部冇食，好在老婆唔食个餐包比埋我食先顶到返屋企煮面食，所以一定冇下次。