8鍋臭臭鍋 (金巴利道) (已結業)

平时街边既臭豆腐，远处闻到佢既味！但你食一啖，又会问：点解冇臭味既！？如果你想要放入口既臭，台湾既臭臭锅就帮到你啦！去唔到台湾！？唔紧要～香港都有得食！我依d重口味人，一早就识8锅，但以前都系食开招牌臭臭锅，今日想试新野，试左个芝士牛奶锅，点知简直令人惊艳，要上黎推介比大家食开既大家都知道, 8锅一个套餐都只系88蚊, 就有饭有野饮！今次依个又蛋又芝士既锅, 都唔洗额外加钱, 所以都系88蚊咋一上到黎, 就发现完全系我杯茶, 奶白色既汤底入面有蔬菜, 蛋角, 芝士, 鸡蛋, 乌冬等等, 其实个锅入面既野食已经好够饱! 而且味道对比臭臭锅冇咁浓味, 比较似稀身既忌廉汤, 所以啖啖都会食到牛奶香, 而唔系得个咸字~之后为左试一直都未试过既卤肉饭, 我加左12蚊, 再比多8蚊叫多只卤蛋, 点知两样野都ok bo~卤肉饭上面既卤肉够多, 而且肥瘦均匀, 又够入味而卤蛋都系腌得入味得黎又唔会过耐, 所以蛋黄都仲系滑滑的!另外推介大家加多少少钱试下佢地既珍珠奶茶, 比想饮中好饮, 质素都比得上出面既珍珠奶茶舖!