影片
更多
2019-03-07
87 浏览
前排托朋友整咗啲野，事后要请食饭，于是相约咗食呢间「我爱慢煮」，由于位置系上环同西营盘中间，个人建议系西营盘过去会容易更多。刚到门口系大大幅墙身画，相当有性格同品味，岩哂钟意自拍嘅朋友留个倩影。入内随即揾个位就座，决定好柯打嘅食物后，需走到厨房前收银处即时付款落单。我地少少地叫咗几款小食同饮品，最先到嘅系柚子菠菜沙律同饮品，分别有热情水果特饮同荔枝接骨木花特饮。每次预咗大饮大食，都会拣啲比较酸甜、清清地嘅饮品，个人觉得又解渴解溜，非常合适。接住到嘅系小食拼盘同咸蛋黄酱吉列虾。小食拼盘内里有几款小食：鸡翼、芝士条、炸鱼、粟米、蕃薯薯条。选择拼盘对第一次光临嘅人泥讲，其实系唔错嘅选择，一次过试匀几款就知道边种好食。整体我觉得七味一字鸡翼味道唔错，好食在于够热且肉嫩之余，调味有啲似曾相识，少少辣，食好多只都唔会厌。其次粟米本身够甜多汁，另外加咗少少千岛酱汁，食落别有一番风味。而其余炸鱼、薯条等等都系正常水准，即叫即整够热好食。至于吉列虾一碟有六只，吉列嘅技术稳定，炸虾唔会老；外皮十分酥脆，味道带少许咸蛋黄酱味，吉列虾同咸蛋黄酱相当夹，不错。之后到嘅系慢煮36小时纽西兰牛面肉，斋卖相已经令人垂
入内随即揾个位就座，决定好柯打嘅食物后，需走到厨房前收银处即时付款落单。我地少少地叫咗几款小食同饮品，最先到嘅系柚子菠菜沙律同饮品，分别有热情水果特饮同荔枝接骨木花特饮。每次预咗大饮大食，都会拣啲比较酸甜、清清地嘅饮品，个人觉得又解渴解溜，非常合适。
接住到嘅系小食拼盘同咸蛋黄酱吉列虾。小食拼盘内里有几款小食：鸡翼、芝士条、炸鱼、粟米、蕃薯薯条。选择拼盘对第一次光临嘅人泥讲，其实系唔错嘅选择，一次过试匀几款就知道边种好食。整体我觉得七味一字鸡翼味道唔错，好食在于够热且肉嫩之余，调味有啲似曾相识，少少辣，食好多只都唔会厌。其次粟米本身够甜多汁，另外加咗少少千岛酱汁，食落别有一番风味。而其余炸鱼、薯条等等都系正常水准，即叫即整够热好食。至于吉列虾一碟有六只，吉列嘅技术稳定，炸虾唔会老；外皮十分酥脆，味道带少许咸蛋黄酱味，吉列虾同咸蛋黄酱相当夹，不错。
之后到嘅系慢煮36小时纽西兰牛面肉，斋卖相已经令人垂涎三尺。曾经食过几间唔同嘅慢煮西餐，第一次食牛面肉，意想唔到嘅口感，慢煮至非常软身易嚼； 由于以牛面肉为材料，所以牛味十分浓郁，伴随住淡淡红酒味，真系几正；另外值得一提，牛面肉相对无咁肥同油腻，啖啖肉，绝对推荐！相对地，焗卡邦尼意粉可能味道唔太够同太干身，因此比较逊色。下次会比较想试试呢到嘅披萨。
整体，我觉得「我爱慢煮」嘅食物价格算系中等价格，地理比较入如果再贵啲可能会令人却步。至于味道同小食方面，其实选择都几多，而且特别系小食水准唔差，都几适合悠闲几个朋友坐低倾计食野。如果住得近都应该会常常帮衬，唔错。
张贴
