影片
更多
2015-07-05
1851 浏览
以前揾食多集中晌旺角、尖沙咀、铜锣湾依几个揾食大区，随著租金上升，唔少传统旺区都好贵租，从而有唔少食肆进注一啲二线区域，渐渐变成揾食集中地，就好似天后、大坑、九龙城、大角咀……等等，之前，到过九龙城食人气嘅韩烤，这晚就造访大角咀，食嘅喺依然大热嘅鸡煲，再加美味嘅烤鱼锅，双料滋味，做得不落俗套嘅「前家乐」 ，一个既玩食字，又有心思嘅店名。其实熟路嘅话，由奥运站行落大角咀都喺10分钟步程之内，挺方便，唔怪之得越嚟越多食店加入依边战区。啱啱，又遇著店方嘅「周年志庆」，免收加一 ，大可让客人悭番一少笔 ！环境格局唔算有咩特别好讲，装修简简单单，似西餐厅多啲，但胜在环境光猛，地方企理。墙上贴有鸡煲、烤鱼嘅大相，突出番店家嘅主打主题 。虽然话主要卖鸡煲、烤鱼，都唔喺独沽两味，醉鸡煲、麻辣鸡煲、香辣鸡蟹煲外，仲有多款火锅汤底，如四川麻辣、芫茜皮蛋；此外，烤鱼锅可拣桂花或海鲩，汤底更有蕃茄薯仔、云南酸菜、四川麻辣或香辣虾膏可拣，实在多元化。拣好鸡煲及鱼锅款式，自然焦点就落在配料纸身上，一大张A4纸，印备晒所有打鞭炉配料，究竟包括啲咩，你睇就好过我讲喇。 麻辣鸡煲 $138（半只）/ $228
其实熟路嘅话，由奥运站行落大角咀都喺10分钟步程之内，挺方便，唔怪之得越嚟越多食店加入依边战区。啱啱，又遇著店方嘅「周年志庆」，免收加一 ，大可让客人悭番一少笔 ！
环境格局唔算有咩特别好讲，装修简简单单，似西餐厅多啲，但胜在环境光猛，地方企理。墙上贴有鸡煲、烤鱼嘅大相，突出番店家嘅主打主题 。
虽然话主要卖鸡煲、烤鱼，都唔喺独沽两味，醉鸡煲、麻辣鸡煲、香辣鸡蟹煲外，仲有多款火锅汤底，如四川麻辣、芫茜皮蛋；此外，烤鱼锅可拣桂花或海鲩，汤底更有蕃茄薯仔、云南酸菜、四川麻辣或香辣虾膏可拣，实在多元化。
拣好鸡煲及鱼锅款式，自然焦点就落在配料纸身上，一大张A4纸，印备晒所有打鞭炉配料，究竟包括啲咩，你睇就好过我讲喇。
麻辣鸡煲 $138（半只）/ $228（全只） 为顾及大部份人嘅需要，我哋拣微辣，加上亦会叫烤鱼锅，所以，鸡煲点半只就够晒。落单等无耐，鸡煲就随即送上，一阵阵香气扑鼻，煲面铺满芫茜，唔喜欢食芫茜嘅朋友记得落单时叫走芫茜。
麻辣鸡煲
$138
37 浏览
0 赞好
0 留言
烤海鲩鱼锅 $178（小边）/ $238（大边） 我哋人唔多，同样要细边就OK喇，汤底就要蕃茄薯仔，谂住食咗个麻辣鸡煲，就揾蕃茄薯仔汤底中和吓。海鲩烤过之后，连同大量配菜，如豆卜、紫洋葱、蕃茄、薯仔、芫茜一大盆捧嚟，再加蕃茄汤，边滚边食 。
烤海鲩鱼锅
$178
108 浏览
1 赞好
0 留言
食完鸡煲及鱼锅，喺加汤打鞭炉嘅时候，店员知我哋拣咗微辣，就主动问我哋试唔试吓加辣，故此，就俾咗一小碗自家炒制嘅麻辣酱我哋 ，加汤之余，再加入麻辣酱，个汤果然即时变得火辣辣，好辣嘅朋友当然会大呼过瘾。
加拿大肥牛 $88（小）/$148（大） 店家嘅牛肉类选择唔多，就只有加拿大肥牛一款，因为嚟得依度主要都喺食鸡煲、鱼锅，火锅配料都只喺「增值」配菜，所以，贵精就不贵多，果然，碟加拿大肥牛真喺唔错，灼熟后，肉质鲜腍，够肉味又带油脂。
加拿大肥牛
$88
27 浏览
0 赞好
0 留言
日本蚝 $68 一客有成8只，而且，呎吋都唔细只，只只肥嘟嘟，而且就算灼熟都唔会缩得好犀利，蚝味鲜甜，实在抵食。
日本蚝
$68
28 浏览
0 赞好
0 留言
芝士竹轮 $48 芝士丸、芝士肠食过无数次，依家进化埋芝士竹轮（狮子狗鱼蛋），将芝士藏入竹轮里面，一咬有爆浆嘅感觉，真喺好味过瘾，值得推介 。
芝士竹轮
$48
29 浏览
0 赞好
0 留言
试完个芝士竹轮，再试个芝心鱼丸，当然唔会再有咩惊喜，不过，虽然依啲乜丸物丸都喺来货，但啲芝心丸食落仍有一定质素，鱼丸弹牙，芝心软绵。
芝心鱼丸
$34
30 浏览
0 赞好
0 留言
脆炸响铃 $25（小）/$42（大） 响铃成为打鞭炉不可或缺嘅火锅配料，不过，正如另一篇鸡煲嘅食评提过，小弟钟意食山根多过响铃，可惜依度无。响铃轻灼后，面层辣辣腍腍，内层香香脆脆。
脆炸响铃
$42
35 浏览
0 赞好
0 留言
牛栢叶、竹笙都喺啲味淡靠汁酱提味之食材，先嚟一客牛栢叶，放晌鸡煲等佢索满汁，又爽又辣，刺激呀。
牛栢叶
$42
22 浏览
0 赞好
0 留言
竹笙本身无乜味，食其爽口，其次，贪佢本身有益健康，多食无妨。
野生竹笙
$42
38 浏览
0 赞好
0 留言
无普通蟹柳咁粉，啲蟹棒食落一丝丝，个人觉得晌鸡煲𠮶边渌会冚晒啲味，所以，晌鱼锅𠮶边效果理想啲，再者，鱼锅𠮶边火无咁猛，唔会太易渌散晒啲蟹棒。
松叶蟹棒
$52
43 浏览
0 赞好
0 留言
蔬菜拼盘一篮有生菜、白萝卜、莲藕、黑木耳及大蕃茄，据店员讲，次次唔同，有咩新鲜蔬菜就执咩菜。
蔬菜拼盘
$38
35 浏览
0 赞好
0 留言
朋友都喺觉得一客蔬菜拼盘唔多够，追加一份细嘅娃娃菜，虽然娃娃菜唔喺咩贵价嘢，但小店一样务求用料新鲜。
娃娃菜
$20
40 浏览
0 赞好
0 留言
与其又喺米线、公仔面，就不如要一客红薯粉作为最后垫饱大家个肚之用，红薯粉入口烟韧爽滑，配个蕃茄汤底，实在不错 。
红薯粉
$34
51 浏览
0 赞好
0 留言
打鞭炉又点可能唔饮住嘢，前前后后又加多宝，又蜂蜜绿茶，汽水$12罐，其他清热气饮品都只喺$13-$16，取价都算合理。
鸡煲及鱼锅都各有特色，前者食其香惹，后者食其鲜滑，再者，感受到店家拣料用心，招呼又到位，定价唔会太贵，相信小店有更好「前」途，希望小店继续努力 ！
张贴
