影片
更多
2015-09-26
5333 浏览
我哋一行六人同爸爸食生日飯,見呢間餐廳啲食物賣相幾精緻,仲要最平個餐都收三百大洋(未加一)，諗住應該會唔錯,點知最後不歡而散! 是咁的, 呢間餐廳原本得兩個套餐選擇, 一個三百元,另一個三百三十元, 但係我見啲食評有講個豆乳鍋(三百六十四元)好似唔錯,訂位嘅時候問咗個老闆仲有冇,佢話佢哋呢個係冬季限定,但係如果我想試,佢當日會幫我整。 咁我哋六個人,三個餐,咁一個餐叫兩份啦, 點知個女侍應話唔得, 叫咗豆乳鍋就唔可以叫三百蚊嗰個餐,因為佢話其實啲嘢食係差唔多。我哋諗住都唔緊要啦,樣樣試啲,但係個女侍應都話唔得......咁我哋問佢如果我兩個人坐過格離枱叫兩個三百蚊餐咁得唔得, 佢就去咗問老闆, 老闆嚟到,又講一次話個豆乳餐同三百蚊餐差唔多,唔建議我哋咁叫,咁我話如果我哋都係想咁叫咁得唔得?老闆話因為佢哋人手問題,上菜會亂, 我哋登時O哂咀😰,我哋又問番佢坐格離嗰個問題,老闆即刻話叫我哋唔好挑佢機😱,如果我哋要咁order就整俾我哋(佢個樣係好唔順超的)。算喇,我哋同爸爸慶祝生日,費事同佢嘈!嘢食嚟喇, 頭盤豆腐海帶沙律同款冇豆嘅豆腐, 個豆腐話係日本京都運嚟嘅豆乳自家製的,可能我脷胎厚
我哋一行六人同爸爸食生日飯,見呢間餐廳啲食物賣相幾精緻,仲要最平個餐都收三百大洋(未加一)，諗住應該會唔錯,點知最後不歡而散! 是咁的, 呢間餐廳原本得兩個套餐選擇, 一個三百元,另一個三百三十元, 但係我見啲食評有講個豆乳鍋(三百六十四元)好似唔錯,訂位嘅時候問咗個老闆仲有冇,佢話佢哋呢個係冬季限定,但係如果我想試,佢當日會幫我整。 咁我哋六個人,三個餐,咁一個餐叫兩份啦, 點知個女侍應話唔得, 叫咗豆乳鍋就唔可以叫三百蚊嗰個餐,因為佢話其實啲嘢食係差唔多。我哋諗住都唔緊要啦,樣樣試啲,但係個女侍應都話唔得......咁我哋問佢如果我兩個人坐過格離枱叫兩個三百蚊餐咁得唔得, 佢就去咗問老闆, 老闆嚟到,又講一次話個豆乳餐同三百蚊餐差唔多,唔建議我哋咁叫,咁我話如果我哋都係想咁叫咁得唔得?老闆話因為佢哋人手問題,上菜會亂, 我哋登時O哂咀😰,我哋又問番佢坐格離嗰個問題,老闆即刻話叫我哋唔好挑佢機😱,如果我哋要咁order就整俾我哋(佢個樣係好唔順超的)。算喇,我哋同爸爸慶祝生日,費事同佢嘈!
嘢食嚟喇, 頭盤豆腐海帶沙律同款冇豆嘅豆腐, 個豆腐話係日本京都運嚟嘅豆乳自家製的,可能我脷胎厚,我食唔到有豆味, 又唔滑,反而個冇豆嘅豆腐都仲有啲芝麻香味,都ok. 再嚟係南瓜同大根, 之後係壽司拼盤, 壽司基本上係青瓜卷,蘿蔔卷, 蕃茄, 甜椒同菇, 最特別係有海葡萄(下面附圖)。跟住有燒物,天婦羅,蒸蛋,豆乳鍋,冷麵,同甜品。除咗個燒物有芝士年糕同個紫薯芝麻餅好食之外,其他嘢都好普通,都係大根,南瓜,茄子,菇同豆腐。因為爸爸媽媽本身係素食者,佢哋帶咗啲素丸原本俾我同哥哥帶返屋企食,見佢個豆乳鍋冇乜嘢好食,咁我哋就放咗幾粒素丸落個鍋度煮嚟食(係!食外帶嘢係我哋唔啱)個老闆咁啱行過,俾佢見到,佢即刻話咁樣唔啱規矩,我哋都即刻同佢講咗唔好意思!佢就行開咗。
原本都冇事,點知阿老闆唔知係咪越諗越唔順氣,又返轉頭話我哋乜嘢破咗佢哋紀錄,從來冇人係度食啲無素料嘅素!頂!我爸爸即刻火都嚟就同佢嘈,跟住有個唔知係貴親仲衝過嚟兇我哋,個樣好似想打架咁!大佬,我哋叫足六個餐㗎,又冇搵你著數,使唔使咁惡呀?!
餐飯食咗二千幾蚊,啲嘢食係超普通,都唔知有乜本事收三百蚊個餐!呢度老闆係超執著,超有性格,大家如果受唔住氣就唔好去食喇!
张贴
