芽莊越式料理 (已結業)

𠮶日想食越南嘢，本身想食我食开𠮶间至爱不过又想近近哋，近我同男朋友返屋企于是求其啦就芽庄啦男朋友先攞位，我喺公司赶过嚟我个人比较钟意维多利亚式装修，呢个系暂时我觉得呢间铺嘅少数优点之一嚟得食越南嘢就一定系叫pho啦。传统越南河个汤系用牛血同牛骨髓做汤底，咁先够浓够香。香港啲人惊，舖头就modify一下，用牛血清同牛骨髓。我都预咗冇呢啲嘢嘅喇..点知个汤仲衰过即食面汤底淡谬谬!!得啲颜色嘅咋同得个咸字!!再嚟䉀虾。䉀虾就普通啦，不过佢俾咗啲basil叶我哋去包，又有啲紫苏叶正点～!再上男朋友个香茅猪扒冻檬。佢就觉得OK..我觉得一般啦，不过值得一提系个猪扒都唔算韧软壳蟹米纸都上了其实我嚟呢度最钟意都系呢个卷卷，不过唔知我系唔系记错咗呢，我比较钟意食入面系米粉多过入面系白萝卜丝啰..我唔食得白萝卜㗎米纸都好软熟，唔系整起咗待用𠮶啲好厚好难咬𠮶啲..最后(其实我都唔明，点解啲次序错晒嘅啫!!)上嘅系今次我第一次试嘅虾多士..可能我谂住系我食开𠮶啲虾胶加薄薄面包𠮶啲虾多士，点知..系..唔钟意啊!!好厚啊!!结论系..唔系近，我会返我爱店度食啰!