影片
更多
2010-10-17
58 浏览
Bistecca呢度主打售卖来自美国、澳洲牛肉，跟其意大利名字似乎无半点关系。餐厅门外一张砌肉台及一部砌肉机，正是门外知客招呼客人的一张工作台，配上冰冷的白色砖墙，简单又有趣。餐厅门外另一边箱，眼见到就系呢度做Dry Age牛扒雪柜，呢个雪柜合乎资格与否我唔太清楚，因为我无真正见过外国正宗果啲，但我知道香港有做Dry Age牛扒嘅地方并唔算好多，呢间水准系绝对无问题的～厨房另一边墙上，挂满好多把牛肉刀，好似外国果啲Butcher shop咁，当然唔系大家在街市见到果啲啦，其实好想问清楚佢地呢十二把刀到底有咩分别，不过见到所有侍应都好似好忙咁，无谓问喇～哈哈！讲起呢度嘅侍应，全部都系洋人，佢地见我四围影相都问我会唔会放上openrice，我笑笑口话会，佢地突然好开心咁大叫: "I Love Openrice!"，态度亲切又鬼马风趣，跟一般高级扒房果类身穿「踢死兔」嘅侍应，明显地无咁拘紧，而且呢度装修简单得黎好舒服，令人食得相当开心自在...讲返呢度嘅午餐，价钱百几至二百元左右都有，全部都系包自助式前菜及甜品。不过SET LUNCH无牛扒供应，所以不作考虑之列，当然我当然都会「参观」一下～
Bistecca呢度主打售卖来自美国、澳洲牛肉，跟其意大利名字似乎无半点关系。餐厅门外一张砌肉台及一部砌肉机，正是门外知客招呼客人的一张工作台，配上冰冷的白色砖墙，简单又有趣。餐厅门外另一边箱，眼见到就系呢度做Dry Age牛扒雪柜，呢个雪柜合乎资格与否我唔太清楚，因为我无真正见过外国正宗果啲，但我知道香港有做Dry Age牛扒嘅地方并唔算好多，呢间水准系绝对无问题的～
厨房另一边墙上，挂满好多把牛肉刀，好似外国果啲Butcher shop咁，当然唔系大家在街市见到果啲啦，其实好想问清楚佢地呢十二把刀到底有咩分别，不过见到所有侍应都好似好忙咁，无谓问喇～哈哈！
讲起呢度嘅侍应，全部都系洋人，佢地见我四围影相都问我会唔会放上openrice，我笑笑口话会，佢地突然好开心咁大叫: "I Love Openrice!"，态度亲切又鬼马风趣，跟一般高级扒房果类身穿「踢死兔」嘅侍应，明显地无咁拘紧，而且呢度装修简单得黎好舒服，令人食得相当开心自在...
讲返呢度嘅午餐，价钱百几至二百元左右都有，全部都系包自助式前菜及甜品。不过SET LUNCH无牛扒供应，所以不作考虑之列，当然我当然都会「参观」一下～以呢度嘅前菜阵容黎讲，绝对唔系普通水准咁简单，而且有沙乐美肠同埋Parma Ham任食，真系见到都已经流晒口水～～
未食主菜之前，先试下呢度嘅Table Bread，新鲜焗出来嘅橄榄包，直径跟一磅蛋糕差唔多，份量唔惹少。橄榄包外层焗得香脆，入面食落松软好味，绝对非食不可！
今次我选择左美国Dry Age西冷牛扒，足12安士重，盛惠$278一份。其实大家或者会问咩系Dry Age，其实Dry Age系一种高级熟成方法，主要令牛肉产生蛋白酵素，分解软化其肌肉纤维，令肉质变腍，入口先会软绵可口，肉味更浓。由于DA后肉块会收水缩细，而且熟成成本亦相对较高，所以DA牛扒价钱亦较贵。侍应为我换上较锋利嘅牛扒刀后，清脆地将呢份Medium Rare西冷中间切开，绝无拖泥带水。切开后，香味四溢，炭烧味跟肉香味一拥而上，教人著迷。牛扒外层烤纹分明，边位微焦，入面嫩红吸引，真系睇到都流晒口水。
食落去果瞬间感觉到咩叫做松化，同时亦感觉到香浓肉汁在口间爆发嘅感觉，实在非笔墨所能的形容的精彩！加埋西冷边位果个我至爱果个充满油脂嘅筋位部份，真系好食到感动流泪！如此级数嘅牛扒，呢个价绝对系超值！如果中意食Rib Eye嘅朋友，呢度14安士一份都系$348咋！
如果中意食澳洲和牛嘅朋友，呢度有个10安士和牛SET可以俾你选择。同日本和牛相比，澳洲和牛偏向肉味浓郁，食落无日本和牛果种澎湃油脂香味，各自各精彩。呢度烧和牛卖相亦非常吸引，外边仅熟，内里嫣红，火侯掌握得好好...掂！ 食落感觉到质素非常高，鲜嫩松化，肉味丰腴，非常好食。不过要我跟DA美国冷相比，我都系觉得西冷较适合我口味，和牛...我始终都系中意日本嘅多啲，无论铁板烧或霜烧都无问题！
呢餐食得满足，饱得差不多不愿企起身，餐厅话事人话请我食呢度嘅甜品，叫我去甜品Buffet Corner任选，真心多谢晒！不过我真系已经好饱，我只系浅尝呢度嘅芝士饼。芝士饼上面有烧香嘅焦糖，有少少似Creme Brulee咁，食落好香，实在估唔到扒房甜品竟然都有如此水准，值得一赞！
在香港要食牛扒，系一件非常容易的事，但在香港要食一份高质素牛扒，比起食优质日本料理更难，而且价钱更加是一个可观数字，如果大家唔想大破悭囊的话，不妨退而其次，在午餐时间黎Bistecca食一份DA牛扒，绝对系一件乐事。呢度虽然无其他扒房嘅浪漫情调，但超价价钱食到优质牛扒，再加上贴心服务，绝对值得介绍。
张贴
