火狐爐端燒 (已結業)

荃湾真系美食之都，今次去咗德华公园附近揾食，食嘅系炉端烧，呢间比较特别，师傅唔会系你面前烧起啲嘢食，虽然冇得欣赏师傅嘅功架，但就少咗一份油烟味。店入面除咗menu之外，亦列出咗本日のおすすめ，为客人推荐当日最新鲜、最优质嘅选择。黑豚五花腩 $28 用上少量调味，唔会掩盖猪肉本身嘅味道，五花腩略瘦，肥返啲更正🤣厚烧玉子 $68 玉子好嫩，上枱时热辣辣，配上旁边嘅萝卜蓉，一冷一热，冰火嘅感觉，亦都可以中和一下味觉！鸡翼 $24 事先已经开边，所以烧得好均匀，略嫌细只得滞。胡麻秋葵 $32 第一次食秋葵，黏黏哋，配埋胡麻酱调吓味，都几特别喔～豚大肠山葵烧 $22 大肠干净、够咬口，配上山葵，够惹味。蟹膏海鲜炒饭 $98 炒饭有大虾、带子等作配料，用料新鲜，蟹膏味唔算重，重味啲会更满足！需加一服务费，埋单2人约$300。如果你钟意睇我嘅食评，不妨关注我，支持吓我，谢谢你☺️💕