純寿司 (已結業)

去到沙田想吃寿司，谂起呢间常常大排长龙嘅纯寿司。由于平日晚去，而且6点已到达，所以不用等位。坐落立即单点我最爱嘅寿司，厚切三文鱼，人气三点盛，呑拿鱼。好喜欢纯寿司季节性嘅寿司推介，一向颇有创意同水准。今次就叫左秋季推介嘅「旬海鲜紫菜包」试下。「旬海鲜紫菜包」其实就系将几款鱼生连饭，放喺紫菜上面。卖相一流，食落海鲜都算新鲜，不过筋子较咸，建议豉油份量要小心，紫菜都比较淋。卖$32(另加一),都可一试嘅。人气三点盛同呑拿鱼寿司就不过不失。饭始终比较少，对比起价钱嚟讲，多啲饭会成返正比例。而成餐最爱，当然系「厚切三文鱼寿司」，无得输！新鲜嘅三文鱼，加埋厚切嘅口感，非常满足。呢个就系一再光顾嘅原因。食饱饱就离开了，全程侍应态度都唔错呀。顺带一提，6点半左右已经需要等位了，不过等嘅人不算多。另外，秋季限定到11月30日止，想试要快！