湯直送 (已結業)

最近见到多左好多以汤为主打嘅店，但自己一直就觉得点都系自己煲较好，所以就无去试过。而今次系尖沙咀呢边行街，姊妹话见附近有汤饮就带我黎试。估唔到质素比我想像中好好多，足料饮完唔口渴，而基本款式都有十多款，今次两人叫左两盅，每人平均$60。原来有APP可以落Order，新入送30积分，仲可以24小时落单，半夜想饮都可以叫。堂食仲有几款自家调味料比你加黎食。虫草花栗子炖素汤 $55汤有好多料，相信系真材实料，味道偏清清地，而色泽透彻，饮落好舒服，呢个时候饮补一补一流。胡椒猪肚炖汤 $55 胡椒味好香好浓，唔会过咸，非常推介呢个，饮完即刻暖哂。汤料一样都系好多，猪肚都有六七旧，唔腥又入味爽口。