梅光軒 (杏花新城) (已結業)

每年都会去北海道旅行, 每次番香港之前都会去机场拉面街食碗拉面先番香港, 近几年都一定会拣梅光轩, 今日带阿囡去杏花村参加佢既同学仔生日PARTY, 之后去商场买波鞋, 换泊车优惠谂住离开, 突然见到一间好吸引既店, 再望招牌原来系梅光轩, 就好自然入去食碗拉面先走, 香港店选择比新千岁机场店多, 但经店员介绍下, 就点了虾魂一试, 因为做紧PROMOTE有甜品或饺子送, 虾魂一碗要$98, 比日本食还贵, 但系现今香港食到一碗有质素拉面$98都可以接受, 先讲汤底, 好浓味既虾汤, 但一点都不油腻, 真系食到用好多好多虾去肴出黎, 香港梅光轩既拉面同日本都好似一样, 曲面, 够弹牙, 挂汤, 配料好丰富, 有2只大虾, 开左边, 唔驶整污糟手, 店员又好细心比定只碟放虾壳, 值得一赞, 仲有索晒虾汤既芽菜, 蛋, 叉烧, 紫菜, 好满足!总括黎讲, 香港梅光轩同日本梅光轩一样, 好高质素, 原本一年只有一次机会食日本拉面, 但现在随时都可以揸车去杏花村顶当先