影片
更多
2014-05-18
3612 浏览
相信有唔少人都听过「黑暗中对话」依间体验馆，连「开饭喇」都有佢嘅食评，睇番啲食评就知喺咩回事，小弟就唔多解释。原来，佢仲开立咗另一个体验馆「无声对话」 ，小弟同老婆及几个朋友，就参加咗佢哋个工作坊，做咗半日失聪人士，体验吓佢哋所面对嘅难处，感受吓沟通唔到时嘅焦虑，跟数个唔相识嘅组员合作完成多项活动，认真鸡手鸭脚，有口难言 。咁「无声对话」体验馆同「好．厨房」有咩关系？「无声对话」体验馆位处长沙湾星汇居1/F，就喺完咗个体验活动，顺道晌楼下嘅「好．厨房」医肚，因为𠮶个位非常隔涉，晌𠮶边真喺无乜食肆，一喺行过去西九四小龙，一喺上返元州街、青山道，咁就多选择啲。其实，「好．厨房」喺间社企餐厅，正如店方餐牌嘅自我介绍：「创新社企中菜餐馆」。更标榜不含味精、有营、原材料烹调制作、自制天然调味料、不时不食、少油、低碳、低排放，实属一间良心社企 ，讲求健康、环保概念嘅餐厅，理应支持，所以，就更加无谓再行去其他地方揾食啦 ！整间店环境好阔落，楼底又够高，湖水绿枱布，灰色绒面座椅，让人望落倍感舒服。而且，近门一边落地大玻璃，虽然喺行人路街景，但路人少无骚扰，感觉更感开扬 。相信位置问题，嚟食晏
咁「无声对话」体验馆同「好．厨房」有咩关系？「无声对话」体验馆位处长沙湾星汇居1/F，就喺完咗个体验活动，顺道晌楼下嘅「好．厨房」医肚，因为𠮶个位非常隔涉，晌𠮶边真喺无乜食肆，一喺行过去西九四小龙，一喺上返元州街、青山道，咁就多选择啲。
其实，「好．厨房」喺间社企餐厅，正如店方餐牌嘅自我介绍：「创新社企中菜餐馆」。更标榜不含味精、有营、原材料烹调制作、自制天然调味料、不时不食、少油、低碳、低排放，实属一间良心社企 ，讲求健康、环保概念嘅餐厅，理应支持，所以，就更加无谓再行去其他地方揾食啦 ！
整间店环境好阔落，楼底又够高，湖水绿枱布，灰色绒面座椅，让人望落倍感舒服。而且，近门一边落地大玻璃，虽然喺行人路街景，但路人少无骚扰，感觉更感开扬 。相信位置问题，嚟食晏嘅人唔多，三几枱客而已，所以，刚才晌体验馆无机会讲嘢，依家讲番够本都唔怕嘈到人 。
逢星期一至五，都有健康午市套餐（$50），每日有四款𩠌菜可供选择，都喺较家常嘅小炒，附送例汤、白饭、时菜，午市免茶芥，不过就要加一。今日喺星期六，可惜无得试，唯有散点菜式！
铜盘蒸鸡 $98 / 例牌，$170 / 半只 一份例牌查实唔喺好多，除咗鸡件，仲有厚肉嘅冬菇，以及虫草花，令整道蒸鸡健康不少。「铜盘」都唔喺咩新鲜事物，如无记错，铜盘蒸鸡好似喺顺德菜，揾铜盘蒸嘢胜在传热快，受热均匀，短时间内蒸好，保持原汁原味。故此，鸡肉都几嫩滑，满满南乳香 。
梅酱茄子豆腐 $78 单以卖相，你都推测到个做法唔太复杂，而重点亦在于个梅子酱身上。茄子、豆腐蒸好，打个梅子芡汁便成。睇啲豆腐外观，似乎喺超市胶盒装现成货，如属实则跟有营、原材料烹调嘅宗旨有啲违背；若以味道而言，梅子酱酸甜恰到好处，配以软腍嘅茄子，嫩滑嘅豆腐，清新健康 。
姜汁芥兰 $78讲健康都喺多食点菜，所以，一道姜汁芥兰啱晒佢哋。芥兰颇翠绿，混有好多姜粒，但姜汁味都仲嫌未够重，此外，份量上觉得有啲细，所以，以午市嚟讲，佢个定价个人觉得有啲高。
健康红米炒饭 $98绝对无改错名，真喺好健康。以粟米、素鸡、冬菇、菜心、红椒、葱花、红米所做嘅炒饭，再后加少少松子仁，并以竹筒盛载，无肉只有素，又少油，富口感，清而不寡，不过，小弟稍嫌太干身，有时，要健康就要付出点点代价！
近门口有个小矮柜，除咗有啲社企资讯外，仲有啲纪念品，有兴趣不妨买啲支持下。
今餐唔喺叫咗好多嘢，3个小菜，1个炒饭，人均都要近一百，已经喺免咗茶芥，晌深水埗区食晏嚟讲，应该属中上价位。故此，觉得位置加埋个定价，多少影响午市嘅生意！
张贴
