影片
更多
2021-05-14
458 浏览
临近母亲节，谂住带从来未食过omakase嘅呀妈好好咁庆祝一下。点知换来一餐三千几蚊不知所谓，极度失望嘅晚餐体验！从来冇写过食评嘅我都忍唔住要带一篇文，可恨嘅系我唔可以留多几个负皮🤬！我哋系第二枱客人到达，师傅第一时间就整咗一粒Wasabi，侍应就斟咗啲豉油俾我哋先。呢个位其实我已经有啲疑惑，因为之前食开嘅omakase不嬲已经系饭团调晒味🤔但系接下来𠮶几个菜式完美解释咗点解要自行调味。。。我阿妈不嬲都已经食得清淡，但呢间餐厅嘅菜式系冇味，系完全冇味呀🤯！呢个时候已经开始有啲失望，但接住落嚟嘅事简直令我哋心情跌落谷底🥲。坐低食咗30-45分钟后，又入咗一台客，都系由我哋师傅负责。呢个时候我哋已经食咗几个菜式，师傅一心不能二用，完全掌握唔到出菜式嘅时间。佢不断出菜俾新客，而我哋食完一碟就要等成15-20分钟先可以有下一碟食！讽刺嘅系，因为有一枱客生日所以不断请各位师傅饮酒。咁师傅呢就不断行嚟行去，呢头饮下酒~𠮶头整吓嘢食比新客~云游完太空之后先记得整件寿司俾我哋食🙂！隔离迟过我哋到嘅另一枱客，食嘅速度早已超越我哋！隔咗半个世纪之后，我哋同新客嘅出菜进度终于一致，但呢个时候食龙肉都冇味啦！
我哋系第二枱客人到达，师傅第一时间就整咗一粒Wasabi，侍应就斟咗啲豉油俾我哋先。呢个位其实我已经有啲疑惑，因为之前食开嘅omakase不嬲已经系饭团调晒味🤔但系接下来𠮶几个菜式完美解释咗点解要自行调味。。。我阿妈不嬲都已经食得清淡，但呢间餐厅嘅菜式系冇味，系完全冇味呀🤯！
呢个时候已经开始有啲失望，但接住落嚟嘅事简直令我哋心情跌落谷底🥲。坐低食咗30-45分钟后，又入咗一台客，都系由我哋师傅负责。呢个时候我哋已经食咗几个菜式，师傅一心不能二用，完全掌握唔到出菜式嘅时间。佢不断出菜俾新客，而我哋食完一碟就要等成15-20分钟先可以有下一碟食！
讽刺嘅系，因为有一枱客生日所以不断请各位师傅饮酒。咁师傅呢就不断行嚟行去，呢头饮下酒~𠮶头整吓嘢食比新客~云游完太空之后先记得整件寿司俾我哋食🙂！隔离迟过我哋到嘅另一枱客，食嘅速度早已超越我哋！隔咗半个世纪之后，我哋同新客嘅出菜进度终于一致，但呢个时候食龙肉都冇味啦！师傅仲好幽默咁问我哋会唔会太饱。。。🙃你试吓食一粒寿司，再隔返三个字先食下一粒寿司，唔讲以为我食紧减肥餐呀！题外话: 另外一位师傅不断除口罩饮酒，饮都算但系佢手都冇洗就开始整嘢食，非常时期系咪都应该注意一下卫生呢？？？🤮
如是者我哋食咗将近三个钟，一心想快啲结束呢个一个地狱体验。但呢个时候成餐饭进入咗高潮，亦都系最荒谬离谱嘅位。就系因为夜晚10点堂食限聚令，所以我哋俾人赶呀，饭都未食完嫁大佬，俾人赶出门口呀🤯！眼见隔离枱客食多我哋几件寿司，条气真系好唔顺！
成餐饭真系好不可思议地荒谬，最荒谬嘅系俾咗咁贵嘅价钱一心谂住好好庆祝母亲节，换来嘅系食到一肚气！越写越嬲，餐饭嘅体验仲系历历在目🤬。成间餐厅不论系食物，服务定师傅质素都完全不值得一提👎🏻！
张贴
