忠孝東路

营业中

休息中

今日嚟I squire 睇戏，所以就顺路喺度揾间餐厅谂住食啲嘢，之前经过呢间忠孝东路好似几特别个名，但一直都未有机会试，所以今次就拣咗佢，入到去个楼面阿伯已经一啲笑容都冇，跟住叫咗一碗三宝牛肉新竹米粉，同一个安格斯牛肉卤肉饭，唔使1分钟就上菜，首先嚟错咗一碗三宝牛肉面，同佢讲比错咗佢又即刻换，之后又唔使2分钟，嚟返碗米粉，但个新竹米粉超硬，牛筋冇味，牛肉淡茂茂，所谓嘅安格斯牛肉，只不过系普通牛肉硬过橡筋，之后埋单企喺门口等个男朋友，见到原来佢有promotion食满$100可以送盐酥鸡或者全单九折，我就行返入去同个楼面阿伯讲，个盐酥鸡可唔可以打包，佢话已经打紧单，跟住我话咁系咪可以做返个九折，佢话打咗单冇得改，其实做个收银嘅都知，要𠮶张单有几难，呢间餐厅真系无论食物质素定系服务真系非常差，下次真系请都唔会再去