影片
更多
2024-07-26
341 浏览
20/07/2024去将军澳调景岭彩明商场嘅「茶余饭后」食晚餐，我哋两个叫咗个二人餐，分别嗌咗椒盐鲜鱿同小炒王（因为见到隔篱𠮶碟炒得好靓好多料，之后问左侍应系咪小炒王先落单），跟住上咗汤同嘢饮之后就嚟错左个尖椒腩片，之后同番侍应讲佢落错单，搞左一阵之后换番单，然后椒盐鲜鱿嚟⋯哗！成浸油溢味！我完全睇唔出佢系椒盐鲜鱿？！一系炸过龙，一系番炸，仲有D炸粒系冻！咁嘅样，完全以为自己食紧第二样嘢，仲要系食紧碟返炸又番炸嘅油溢野！咁我都忍佢🥹之后终于嚟小炒王，哗！仲吓死我😳呢碟叫小炒王？几条西芹油淋淋上边挞两条老鱿再加几粒咸到不得了嘅虾米，难食到呕又咸又油😤而且完全唔系小炒王！连啲腰果都系淋🥲好作呕🥹跟住见到经理行过忍唔住同佢讲话啲食物质素真系好差，我话：「唔紧要我系同你反映啫，钱我照俾。」跟住个经理就即刻发烂渣话唔啱食就换，又话从来冇人投诉过，就收咗两碟𩠌，跟住再叫我哋再嗌过！佢系非常之大声呼呼喝喝，我话你可唔可以细声啲我唔系聋嘅，佢话「我系咁㗎啦！」咁跟住我话咁你俾个餐牌我啦，佢话喺呢度㗎啦！我话咁你推介我啦，费事一阵间嗌返嚟又话系咁㗎啦😤佢话咁咕噜肉啰，而且仲专登越嚟越大声，跟住我终于忍唔
好作呕🥹跟住见到经理行过忍唔住同佢讲话啲食物质素真系好差，我话：「唔紧要我系同你反映啫，钱我照俾。」跟住个经理就即刻发烂渣话唔啱食就换，又话从来冇人投诉过，就收咗两碟𩠌，跟住再叫我哋再嗌过！佢系非常之大声呼呼喝喝，我话你可唔可以细声啲我唔系聋嘅，佢话「我系咁㗎啦！」咁跟住我话咁你俾个餐牌我啦，佢话喺呢度㗎啦！我话咁你推介我啦，费事一阵间嗌返嚟又话系咁㗎啦😤佢话咁咕噜肉啰，而且仲专登越嚟越大声，跟住我终于忍唔住大声番过佢，然后佢就话使唔使咁大声，我话你咁大声我唔大声惊你听唔到🤣跟住我就话唔食啦！买单走人啦，之后佢仲喺度呼呼喝喝又话唔使嚟俾钱，不过我哋照样俾钱。之后去厕所行过离远仲听度佢系度闹紧！我忍唔住行返入去睇返究竟佢叫咩名，原来系叫唐X 鹰经理，跟住我问佢攞返张单收据。再之后，今日我上OpenRice一睇⋯哗！！！原来好多人投诉佢哋食物质素同埋啲服务态度差！尤其是个经理非常之差，唔明白点解个经理仲可以生存咗喺呢间餐厅咁耐？同埋啲食物质素比人投诉咁耐仍然都冇改善？
张贴