影片
更多
2023-02-12
439 浏览
平时都有去开食下点心，直到有日有个姓周嘅女楼面出餐过嚟，发生嘅一连串嘅事，我就发誓以后唔会再去嘅间咩来发馆 同佢另一间「万发」。某一日，我因为都几钟意食佢地嘅皮蛋瘦肉粥，所以就自己一个人过去坐低叫咗一碗食。出嘢速度都算快，以往食呢一个粥，我哋都会问要唔要胡椒粉，然后我就话唔使，觉得都几好，有得俾我拣。但系今次呢一个姓周嘅楼面（平时见到佢都黑口黑面）送过嚟，就已经落埋胡椒粉，因为我对胡椒粉敏感，所以要同佢讲唔好意思我唔食得胡椒粉，想要换过一碗（其实都觉得好浪费，但系冇办法我真系食唔到），佢竟然同我讲话落咗少少咋㖞，意思即系焗我要，我反问返佢，平时唔系都会问声要唔要胡椒粉嘅咩？佢理都冇理过我就走咗，咁之后我就揾咗另一个伙计同佢讲想要另一碗，另外个同事就好爽快话冇问题。到我差唔多食完嘅时候，因为我朋友啱啱食完饭，就话过嚟坐吓等我，佢入到嚟，饮咗我个杯茶几啖，冇食过任何嘢，纯粹等我。姓周嘅呢一个楼面拎晒碗碗碟碟过嚟开个位俾佢，我以为佢咁好心，都同佢讲声话唔使了，因为我都差唔多食完走，我朋友系入嚟纯粹等我，所以示意佢可以收返啲碗碗碟碟，佢黑口黑面同我讲啲嘢照放喺度。咁我都担心佢难做，谂住快快脆
某一日，我因为都几钟意食佢地嘅皮蛋瘦肉粥，所以就自己一个人过去坐低叫咗一碗食。出嘢速度都算快，以往食呢一个粥，我哋都会问要唔要胡椒粉，然后我就话唔使，觉得都几好，有得俾我拣。但系今次呢一个姓周嘅楼面（平时见到佢都黑口黑面）送过嚟，就已经落埋胡椒粉，因为我对胡椒粉敏感，所以要同佢讲唔好意思我唔食得胡椒粉，想要换过一碗（其实都觉得好浪费，但系冇办法我真系食唔到），佢竟然同我讲话落咗少少咋㖞，意思即系焗我要，我反问返佢，平时唔系都会问声要唔要胡椒粉嘅咩？佢理都冇理过我就走咗，咁之后我就揾咗另一个伙计同佢讲想要另一碗，另外个同事就好爽快话冇问题。
到我差唔多食完嘅时候，因为我朋友啱啱食完饭，就话过嚟坐吓等我，佢入到嚟，饮咗我个杯茶几啖，冇食过任何嘢，纯粹等我。
姓周嘅呢一个楼面拎晒碗碗碟碟过嚟开个位俾佢，我以为佢咁好心，都同佢讲声话唔使了，因为我都差唔多食完走，我朋友系入嚟纯粹等我，所以示意佢可以收返啲碗碗碟碟，佢黑口黑面同我讲啲嘢照放喺度。
咁我都担心佢难做，谂住快快脆脆食埋啲嘢就走，点知出到去俾钱嘅时候佢就收我两个茶位。我当场嬲到同佢据理力争，佢一句说话都唔回应，完全觉得好似系俾人老屈咁。
最后联络左另一个姓陈嘅男经理，同我讲唔好搞咁复杂，话俾返$8我，讲多几句开始唔好老脾，话自己十几万铺租，所以收茶钱合理，又话佢有权呢样𠮶样，又话我朋友有饮我𠮶杯所以要收，又话自己代表到老细。我话一系面对面同佢倾，最后话我恐吓佢。从佢嘅话语中，好明显知道佢系想应酬我，觉得系我唔啱。
我明白每间酒楼有每间酒楼嘅做法，但食肆都离不开一样野——「服务态度」。老实讲，自己平时去食又唔系多多要求，又唔系成日烦啲伙计嘅食客。我炆嘅唔系一个茶位$8嘅问题，系啖气嘅问题。如果你真系要收我朋友茶钱，我本来就示意左我差唔多走，我朋友入嚟陪一陪我，如果唔啱你咁尊贵嘅大店嘅规矩，其实系咪都可以选择去马上示意我朋友要即刻离开或者问声我点决定？咁我都可以决定我个朋友好唔好继续坐系度等我，而唔系明知我朋友唔系要食嘢，而且成个场又咁冷清，我地又冇阻住做生意，点解都要做到咁老土？
我唔知我咁执着系咪麻烦客，可能有人会话我朋友有饮我杯茶都的确系要计个茶钱，但我对成件事最失望系点解一个态度卑劣、自把自为落胡椒粉、粒声唔出收人茶钱嘅楼面，竟然冇俾公司责备？反而系我要委曲求全，陈经理所谓嘅唔好搞到咁复杂。
我要嘅唔系$8，而系一句唔好意思/对唔住！
食嘢食得咁冇尊严，我地仲点解要去你度食？
张贴