影片
更多
2024-04-25
988 浏览
黄埔好多餐厅都已经食过，食到闷，之前经过见到新开无耐，门面装修好似几好既餐厅都一直想去试试。店舖7：30开业，奈何赶唔上返工时间，一直无机会试，今次终于有时间去试，点知一失足成千古恨😓坐入去，客人唔算多，3-4枱，谂住可以轻松快捷食完点知从落单到上齐，用左25分钟。首先服务态度，本身谂住新开张，客人唔算多，态度会好些少，点知大失所望，叫左落单2-3次先有人理，都唔紧要，落左两个餐后想要杯热水，楼面2个人，一个听到完全无视，再问第二个身型较丰满既女士，先串串贡咁望去旁边指自己去拎，都算数，人地规矩系咁都无办法，但系唔耐烦既态度表情己经令人好讨厌。到10分钟左右，一通粉一面先到，时间都正常，但系汤底淡，白烚鸡柳无味又柴，失败。火腿通无咩好讲，汤底一样。几分钟后女友先黎煎熟蛋餐包都无咩问题，但当时望住水吧出餐位就见个位丰满服务员，徒手拎个餐包入袋比外卖，就留个心眼。（此楼面全程收枱收银出餐，都无戴手套无洗过手）之后等多几分钟就黎我叫既荷包蛋，上枱一刻己经望到同女友熟蛋无咩分别，问个丰满服务员，一开始佢都死口话佢地反蛋系咁，之后自知理亏先拎返去换，个碟餐包+蛋就放系出餐位。当时水吧负责煎蛋既男
之前经过见到新开无耐，
门面装修好似几好既餐厅都一直想去试试。
店舖7：30开业，奈何赶唔上返工时间，
一直无机会试，今次终于有时间去试，
点知一失足成千古恨😓
坐入去，客人唔算多，3-4枱，
谂住可以轻松快捷食完
点知从落单到上齐，用左25分钟。
首先服务态度，本身谂住新开张，
客人唔算多，态度会好些少，点知大失所望，
叫左落单2-3次先有人理，都唔紧要，落左两个餐后想要杯热水，楼面2个人，一个听到完全无视，
再问第二个身型较丰满既女士，先串串贡咁望去旁边指自己去拎，都算数，人地规矩系咁都无办法，
但系唔耐烦既态度表情己经令人好讨厌。
到10分钟左右，一通粉一面先到，时间都正常，
但系汤底淡，白烚鸡柳无味又柴，失败。
火腿通无咩好讲，汤底一样。
几分钟后女友先黎煎熟蛋餐包都无咩问题，
但当时望住水吧出餐位就见个位丰满服务员，
徒手拎个餐包入袋比外卖，就留个心眼。
（此楼面全程收枱收银出餐，都无戴手套无洗过手）
之后等多几分钟就黎我叫既荷包蛋，
上枱一刻己经望到同女友熟蛋无咩分别，
问个丰满服务员，一开始佢都死口话佢地反蛋系咁，之后自知理亏先拎返去换，
个碟餐包+蛋就放系出餐位。
当时水吧负责煎蛋既男员工知道要换之后，
唔知做咩又走出去收银，
几分钟后先返黎处理我只蛋，从新煎过之后，
我亲眼望住佢又系徒手将旧餐包拎去新蛋上面，
睇住佢从水吧到收银再返水吧煎蛋拎包，
全程无手套无洗手，
真系忍唔住闹佢叫佢换过个包，
仲一直唔服气咁啤住我，
忍无可忍先写呢个评语🔥
一间餐厅食物质素先唔讲，
最起码基本服务态度，卫生清洁都做唔好，
劝喻各位食客小心😓
嫩鸡米（改面）
101 浏览
0 赞好
0 留言
张贴
