影片
更多
2018-09-18
580 浏览
我平时都唔会写食评。就算唔好味，最多下次唔去。今次真系太嬲，一定要将经验讲出来。..我今晚同男朋友2个人去食宵夜，叫左：1）蟹膏饭（$138）蟹膏同蟹肉明显系罐头货，一碗饭收$138食罐头，反正唔算太难食就算啦。..2）串烧 x 6 串烧OK，牛舌唔错，其他就不过不失。..3）三文鱼腩刺身一放入口就发觉件刺身中间竟然仲系冰硬（有雪添！）🤢 好明显系冰格拎出来，未解冻/ 勉强切得开就拎俾我地食。..我地一人食左一件，摆落口就发觉唔对路。埋单时同侍应反映，侍应都好后生下，话要去问下。OK，无问题。..之后个厨师上来解释，态度嚣张：1）话唔可以唔钟意食就话要退款（大佬，唔系唔钟意食，系雪到硬掘掘 😑）..2）话好似食麦当劳咁，唔钟意都无得退钱啦（我地宜家2个人食宵夜都$500，要同麦当劳比较吗？你地觉得自己间餐厅系麦记同级？）..3）话去其他餐厅，都无得退钱啦（我唔系好挑剔既人，唔会周围R免费餐。如果食刺身，食到有问题正常自然会出声。食左咁多次，我试过2次出声，一次免左件item，一次打个折。经理会讲唔好意思，返厨房check下其他货睇下有无问题。）..厨师理所当然咁讲完晒以上，重申无得退款
.
.
我今晚同男朋友2个人去食宵夜，叫左：
1）蟹膏饭（$138）
蟹膏同蟹肉明显系罐头货，一碗饭收$138食罐头，反正唔算太难食就算啦。
.
.
2）串烧 x 6
串烧OK，牛舌唔错，其他就不过不失。
.
.
3）三文鱼腩刺身
一放入口就发觉件刺身中间竟然仲系冰硬（有雪添！）🤢 好明显系冰格拎出来，未解冻/ 勉强切得开就拎俾我地食。
.
.
我地一人食左一件，摆落口就发觉唔对路。埋单时同侍应反映，侍应都好后生下，话要去问下。OK，无问题。
.
.
之后个厨师上来解释，态度嚣张：
1）话唔可以唔钟意食就话要退款（大佬，唔系唔钟意食，系雪到硬掘掘 😑）
.
.
2）话好似食麦当劳咁，唔钟意都无得退钱啦（我地宜家2个人食宵夜都$500，要同麦当劳比较吗？你地觉得自己间餐厅系麦记同级？）
.
.
3）话去其他餐厅，都无得退钱啦（我唔系好挑剔既人，唔会周围R免费餐。如果食刺身，食到有问题正常自然会出声。食左咁多次，我试过2次出声，一次免左件item，一次打个折。经理会讲唔好意思，返厨房check下其他货睇下有无问题。）
.
.
厨师理所当然咁讲完晒以上，重申无得退款。见我地生气，就话虽然老板话任何情况下都无得免任何item/ 出过另一件（咩政策黎架😑），不过佢可以私底下俾多客三文鱼.....食过一次知道濑野，唔通仲要咩...
.
.
最后我地俾足全数，不欢而散。唔驶讲，一定唔会再黎。
.
.
希望老板可以再想想，如果食物真系有问题，会食坏肚，希望可以训练员工态度好少少，处理事件好d。我地都系想食餐好食既饭，为左咁既小事搞到咁激气，真系好无奈。
张贴