影片
更多
2010-03-15
177 浏览
寻晚旧同事食饭，去左泓景台商场既君临海鲜酒家食饭，点知食到一肚气。食物其实就无咩特别，唔可以话好好食，不过不失。最唔掂既其实系佢既服务，简直系九流。我地叫左全包宴，都系例牌第一道系乳猪，不过只乳猪肥到其实一d肉都无，只系得皮同肥膏...好多人都无夹而剩返好多，伙计阿 姐系咁问有冇人要，咁我地咪话好肥唔要啦，点知阿姐好似借左聋耳陈只耳咁，系咁分晒俾人，结果有个同事顶唔住要喝止佢…之后有发菜瑶柱生菜，不过瑶柱就好咸。其他的菜好似炸子鸡，蒸鱼都正路，不过最后既炆伊面就又细又无色水，同阿姐讲佢竟然话炆系咁架啦....今次最唔满意其实系佢地服务既态度，我听早黎既同事讲返佢地打左几圈麻将都无人黎加茶﹐同伙计讲佢地竟然答无水，真系咁都得?!另外我地众同事最睇唔过眼既就系d伙计好似以熟卖熟，系咁入黎我地间房问我地 订枱个位旧同事(曾经系熟客)问佢要利是?!! 仲要已经系过晒十五㖞! 尾声时个位订枱既同事饮多左酒，个部长(?)又入黎借头借路又想问佢要利是! 同埋我地望到佢系咁猴住个同事裤袋袋住既一叠利是添!!!仲有一样想讲就系呢间野卫生好麻麻，玻璃杯有野黐系上面，d show plate 仲要系油油地同
食物其实就无咩特别，唔可以话好好食，不过不失。最唔掂既其实系佢既服务，简直系九流。
我地叫左全包宴，都系例牌第一道系乳猪，不过只乳猪肥到其实一d肉都无，只系得皮同肥膏...好多人都无夹而剩返好多，伙计阿 姐系咁问有冇人要，咁我地咪话好肥唔要啦，点知阿姐好似借左聋耳陈只耳咁，系咁分晒俾人，结果有个同事顶唔住要喝止佢…
之后有发菜瑶柱生菜，不过瑶柱就好咸。其他的菜好似炸子鸡，蒸鱼都正路，不过最后既炆伊面就又细又无色水，同阿姐讲佢竟然话炆系咁架啦....
今次最唔满意其实系佢地服务既态度，我听早黎既同事讲返佢地打左几圈麻将都无人黎加茶﹐同伙计讲佢地竟然答无水，真系咁都得?!
另外我地众同事最睇唔过眼既就系d伙计好似以熟卖熟，系咁入黎我地间房问我地 订枱个位旧同事(曾经系熟客)问佢要利是?!! 仲要已经系过晒十五㖞! 尾声时个位订枱既同事饮多左酒，个部长(?)又入黎借头借路又想问佢要利是! 同埋我地望到佢系咁猴住个同事裤袋袋住既一叠利是添!!!
仲有一样想讲就系呢间野卫生好麻麻，玻璃杯有野黐系上面，d show plate 仲要系油油地同埋有阵叔味添!
呢间野服务不知所谓，真系无下次!!
埋单唔知几钱, 因为我地夹埋钱搞抽奖。不过听同事讲好似一围都要成三千几...
张贴