羽田日本料理 (已結業)

昨晚和娘亲及朋友一起晚餐，一直都好想试吓呢间羽田，本人最先到达，入到去佢竟然问我有冇订位，我话冇，佢话要等好几张枱，叫我留电话，心谂有几巴闭呀！咁好啦，谂住出去行一阵，唔够5分钟佢就打返黎话有枱，咁又行返去啦，坐低之后稍为睇睇个餐牌啦，佢连最普通嘅吞拿鱼同埋拖罗都冇！d刺身几十蚊一份得个3片！好啦，等齐人，一共叫咗5样嘢，4只生蚝，一份甜虾刺身，一个海胆手卷，一个素菜汤乌冬同埋一个金菇牛肉sukiyaki! 最先黎嘅海胆手卷，一上枱就知伏已中！一睇颜色就知完全唔新鲜！四只生蚝完全冇蚝既鲜味，仲要$45一只！个素菜乌冬仲离谱，个汤底根本就系出前一丁海鲜汤面既汤底，仲要喊到不得了！甜虾刺身比普通虾就当甜虾，问佢仲要死撑话要系甜虾！五样嘢之中，得个sukiyaki 系正常！简直不知所谓！食个五样野要成4旧几水！冇良心的小店！呢间野真系可一不可再，你咪真系当人唔识食先得架！！😡😡😡