喜客比薩 (已結業)

说实话呢间餐厅o既食物真系唔差,连平时唔食西餐/pizza o既爸爸都话几好食,但d服务态度真系超级唔掂,完全有种贴钱买难受o既感觉今晚同家人去个度食晚饭决定叫个套餐,其中pizza呢项系二拣其一(比喻pizza A 同 B),或可以加$88 转做pizza C, 因为有家人唔食牛而A 系有牛整o既辣肉肠,所以我地拣B,点知个侍应话今日无B ,但C 全家人又唔钟意食,所以就问佢可唔可以将辣肉肠转做其他料,初头侍应话唔得,但争论左一阵后佢话问一问经理,问完后佢话经理都话唔得,我同屋企人就开始庆叫佢叫经理过黎,点知个经理行到黎问都唔问咩事就黑口黑面+声大夹恶话唔转得,呢d系公司规矩,A唔o岩食一系加$88转C啰!个下我同屋企人真系火都黎而家系你地个餐牌写明有A同B拣,再讲就算真系唔转得唔可以有礼貌同客人讲o既咩?当时呢位所谓"经理"o既态度似佢系客多过我地!!最好笑系个所谓经理话今晚唔系无pizza B.....如果今晚唔系星期日加上我地有老有嫩唔想去第二度等过位,真系唔想继续坐系度帮衬,到埋单时侍应个样好似我地争佢钱咁黑口黑面我同家人讲过绝对唔会去第二次,唔怪之得平时行过间野都无咩生意,