影片
更多
2014-12-19
368 浏览
今日下午茶时段大约14:00去食饭，因为系平日又过咗午饭时间， 人唔算多，一入去就有位。以前入到去循例都会有人问下你几多位，今次人都冇个，都冇所谓，始终太兴只系一间茶餐厅，自己揾位都好正常。我哋3个人坐低咗，因为谂住随便食D嘢，叫咗炒河， 炒米同炒饭，落单时间系14:11。饮品好快就到，我哋就一边玩手机一边等嘢食啦。等咗15-20分钟，炒河同炒米到咗，仲以为佢系即炒所以耐少少，点知碟嘢只系暖暖哋，食落去一般啦，本身都唔觉太兴D嘢好好食。食到咁上下，个抄饭都仲未到，睇睇时间都已经14:36，当然就叫伙记追追。点知个个伙记见到你叫佢就即刻拎转面，好似扮睇唔到就唔使做咁。终于叫到个经理追单，佢就话帮我哋跟跟，之后都听到佢同厨房讲。我心谂：应该系漏单，算数，唔紧要，再等等。之后我哋两个都食完，见厨房有碟抄饭出，谂住终于到啦，点知系另一枱新客嘅。睇睇时间，都成14:49分，一个下午茶炒饭有冇咁耐呀，再想叫伙记追追，又系十问九唔应，明明人客就唔算多，又坐唔满，楼面有4/5个人都扮到好似好忙咁。见到厨房又有嘢出，如果都唔系就走人。结果都唔系，算，我哋已经唔想再等，就去收银取消个餐。去到收银都阿姐讲，
以前入到去循例都会有人问下你几多位，今次人都冇个，都冇所谓，始终太兴只系一间茶餐厅，自己揾位都好正常。
我哋3个人坐低咗，因为谂住随便食D嘢，叫咗炒河， 炒米同炒饭，落单时间系14:11。饮品好快就到，我哋就一边玩手机一边等嘢食啦。等咗15-20分钟，炒河同炒米到咗，仲以为佢系即炒所以耐少少，点知碟嘢只系暖暖哋，食落去一般啦，本身都唔觉太兴D嘢好好食。
食到咁上下，个抄饭都仲未到，睇睇时间都已经14:36，当然就叫伙记追追。点知个个伙记见到你叫佢就即刻拎转面，好似扮睇唔到就唔使做咁。终于叫到个经理追单，佢就话帮我哋跟跟，之后都听到佢同厨房讲。我心谂：应该系漏单，算数，唔紧要，再等等。之后我哋两个都食完，见厨房有碟抄饭出，谂住终于到啦，点知系另一枱新客嘅。睇睇时间，都成14:49分，一个下午茶炒饭有冇咁耐呀，再想叫伙记追追，又系十问九唔应，明明人客就唔算多，又坐唔满，楼面有4/5个人都扮到好似好忙咁。见到厨房又有嘢出，如果都唔系就走人。结果都唔系，算，我哋已经唔想再等，就去收银取消个餐。
去到收银都阿姐讲，阿姐话可以取消个餐但系你柸饮品饮咗要计翻钱。我哋就紧系唔制啦！你个餐等极都唔到，其实唔系贪你柸饮品，但系你个餐等极都唔到，追又唔理，你仲好意思同我计？而家唔系比唔起，系唔值得比，你个餐连饮品，而家嘢食又唔嚟，$50个餐你话柸嘢$49都得架啦！同佢理论咗一阵，收银就"叫"经理帮我咃取消未到个餐钱，只系收两个餐。经理就话唔好意思，已经叫咗厨房跟跟，我就话新单都出，漏单都仲唔即刻补比人。经理都冇再出声，比完钱收银阿姐就话下次唔会架啦，我就同佢讲咗句仲有下次？
另外中途都有其他事发生，有个伙记冇啦啦大大声同另一个伙记/收银系度嘈，经理之后出声问佢咩事先收声，D伙记有几专业可想而知。同埋见到隔离枱都几唔满意，佢哋同我哋差唔多时间到，有叫一份炒河，等咗都几耐先到，点知个牛河似都冇件，佢就想话换，点知伙记话冇哂河粉，一系叫另一个，客人就话再叫又等唔知几耐，一系再炒D肉另外上，客人就话都涷哂啦，帮佢炒多次好过，搅完一轮要有得食。佢哋都同我哋讲话个炒河成$50个，肉都冇好过份，又要叫极D伙记都另歪面扮睇唔到。
我唔系一个唔讲道理嘅人，但系漏单系你唔啱，比咗时间你补救都唔做，想人唔燥都唔得啦。其实早两三个月去过，服务已经开始差，下午茶收人$5X 一个，最基本嘅嘢都做唔到，食物质素又唔系特别好，我觉得大集团唔应该系咁。真系以后都唔会再去呢间太与！
张贴