一樂燒臘飯店 (已結業)

午餐一条冷，走去食叉鹅饭，好衰唔衰入左呢间位于大埔四方公园的一乐饭店，原本叫叉鹅饭，但阿姐推介叫鹅脾抵食d，只收42元，见价钱ok就要了！饭上枱时好似ok，点知仔细一睇，所谓鹅脾只得一条睥骨+ 一旧无名指大小的肉+ 超肥腻的皮．．．真系火都起，叫个阿姐黎睇，佢只系答左一句：系差左少少！咁就行开左，其他搭台的顾客都在暗笑，我再叫第二个阿姐黎睇，佢竟然话42元系食呢d质素啦．．．ok，我心想你认就得啦！无奈之下继续食，食完后，我好高调咁拍低呢碟物体；比钱时同老板娘投䜣鹅脾根本只系肥鹅皮，佢就答我话下次比好d部位系啦．．．完全睬你都傻啦，傻仔先会再上当！