扒王之王Plus

营业中

休息中

今日经过荃湾扒王之王，谂住试下童年回忆嘅味道，一上到餐厅拾枱嘅男侍应慢吞吞咁摆咗两位位出嚟就走咗去，枱上冇点餐QR code餐牌又冇，问佢唔该有冇餐牌，佢跟住拎住张餐牌就咁用力劈系枱到，枱上嘅垫枱纸都飞起，虽然唔期望收加一有服务但都唔洗咁晦气嘅态度对客挂，揾咗另新位女侍应叫咗份蜜糖芥末鸡扒意粉同鸳鸯扒餐，虽然人地第一日返工唔识用点餐机，但有礼貌。好快两个餐嚟到买相已经唔得，味道更系难食，鸳鸯扒餐啲薯条腍哂，猪扒硬到飞起，鸡扒又干，至于鸡扒芥末意粉鸡扒一样干，得意粉叫做捞汁可以食吓，另外叫咗两杯热奶茶，认真大x乐大x活嘅奶茶都好饮过佢，似奶加大量水沟出嚟咁，一啲奶茶味都冇，仲有个无限任饮餐汤，可以唔洗饮都得，饮茶餐厅嘅例汤都好过佢多多声！我绝对唔系因为服务而针对食物嘅味道。而系冇谂过细个食过嘅一间餐厅可以失色咗咁多！整体嚟讲一个字差！一定冇下次！