影片
更多
2015-02-22
5191 浏览
我地10个人早几个星期已经订了枱, 订埋菜食饭。订了8点, 准时8点到, 结果在门口足足罚企左半个钟先有位坐, 期间查询过至少3次, 冇人理, 最后一次, 待应求其指住张最多坐6个人既枱话执紧俾我地。跟住又冇左件事, 最后佢上批客人肯走啦, 我地先有得坐。最终8点半先可以入座, 其他人数多过我, 比我迟到既客人, 通通都早过我入座。咁为乜要分两轮呢, 订枱时话一系6点一系8点, 但有客人预约左8点, 餐厅就有责任提醒其他客人要准时交枱呀, 要我地订了枱又呆等半个钟, 唔通入面𠮶啲系客, 我地唔系咩?一早订了菜, 如下：1. 清蒸海杉斑 - 几滑, 一般酒楼中上水准2. 螺头火燑炖老鸡汤 - 冇乜味, 话系炖汤但连汤渣都冇乜3. 手打百花虾丸 - 唔错, 但同一般酒楼出品无异4. 砵酒焗蚝 - 等了2小时, 好吃都冇用5. 蒜蓉粉丝蒸元贝 - 唔错, 几大只, 但老板话因为赔罪所以先有大只d6. 招牌风沙蒜香鸡 - 几滑, 是晚最好菜式7. 鲍汁鲜菇扒菜苗 - 很普通, 只是菇同菜8. 虾干韮菜花爆和牛 - 很普通, 唔觉有和牛的溶化口感一坐低, 待应走埋黎通知我地冇哂韭菜, 要转西芹。
订了8点, 准时8点到, 结果在门口足足罚企左半个钟先有位坐, 期间查询过至少3次, 冇人理, 最后一次, 待应求其指住张最多坐6个人既枱话执紧俾我地。跟住又冇左件事, 最后佢上批客人肯走啦, 我地先有得坐。最终8点半先可以入座, 其他人数多过我, 比我迟到既客人, 通通都早过我入座。咁为乜要分两轮呢, 订枱时话一系6点一系8点, 但有客人预约左8点, 餐厅就有责任提醒其他客人要准时交枱呀, 要我地订了枱又呆等半个钟, 唔通入面𠮶啲系客, 我地唔系咩?
一早订了菜, 如下：
1. 清蒸海杉斑 - 几滑, 一般酒楼中上水准
2. 螺头火燑炖老鸡汤 - 冇乜味, 话系炖汤但连汤渣都冇乜
3. 手打百花虾丸 - 唔错, 但同一般酒楼出品无异
4. 砵酒焗蚝 - 等了2小时, 好吃都冇用
5. 蒜蓉粉丝蒸元贝 - 唔错, 几大只, 但老板话因为赔罪所以先有大只d
6. 招牌风沙蒜香鸡 - 几滑, 是晚最好菜式
7. 鲍汁鲜菇扒菜苗 - 很普通, 只是菇同菜
8. 虾干韮菜花爆和牛 - 很普通, 唔觉有和牛的溶化口感
一坐低, 待应走埋黎通知我地冇哂韭菜, 要转西芹。
以为一早订了菜好快就有得食, 但坐了半个钟都冇野食。乜野都未黎既时候, 有个短头发既女人走埋黎, 话冇哂汤。同样只系「通知」我地, 咁订左又有乜理由冇哂呢?? 订黎做咩呢? 当我地咁讲完之后, 呢个女人一声不响转身离开, 之后亦冇再行过去我地张枱, 由始至终冇讲过, 到底系有定冇, 冇既话又点, 驶唔驶叫其他, 系乜都冇就咁走左去。之后我地要再问其他待应, 佢地答话有汤, 要翻热。即系无啦啦由冇变有, 到底系因为我地唔系熟客丫? 定系佢地一贯都系咁个客冇嘈就唔黎, 又或者个汤喺边度黎?冇人知。
中间上菜速度正常, 味道可以。一直去到最尾两个𩠌, 蒸元贝同埋砵酒蚝迟迟未到。
蒸元贝等多阵都上了, 但个砵酒蚝由开饭计, 2个钟都未到。吹了好几次, 每次都话整紧, 就黎, 到成10点几, 突然有个待应话, 冇蚝。等了足足两个几钟, 期间吹了好几次, 佢地先发现冇蚝! 咁我地话要取消, 一直冇人理, 系都要格硬出, 点出呢? 待应话呀老板专诚去超市买蚝返黎煮! 讲到好似我地仲要多谢佢一片苦心咁, 唔好意思, 系我地等太久话了要cancel, 但你完全无视要去买咋。
最后老板过黎话唔好意思, 话餐厅今日好乱, 因为年尾, 不过如果我地觉得啲野食好味, 咁先系最重要。听完佢咁讲, 完全明哂, 唔怪得之佢地啲服务系咁既水平! 我唔知佢地开左几耐, 但过年忙唔系借口, 因为我地早几星期已订了菜, 期间仲2次询问confirm菜单冇野题, 咁都可以同你讲冇呢样冇𠮶样, 唔系忙, 系佢根本冇理过𠮶个所谓「订单」。
野食系可以, 不过唔好忘记, 系订了座都要等半个钟, 系订了菜不过9个𩠌入面有3个都话冇, 系啲待应不停敷衍你, 连揾人加茶都冇咁既程度, 如果你觉得净系野食可以, 又或者你认识老板本人, 呢间野你都可以去挑战下, 佢地明显只有兴趣做熟客生意。否则, 我劝阁下悭返d时间金钱, 无谓吃到一肚气唔知为乜。
我真系好耐冇试过食饭, 可以食到咁嬲, 可能啲餐厅有电视介绍下, 唔休做, 所以做成咁都仲有咁多人争住去。
张贴