美盛匯 (已結業)

千祈唔好俾所谓嘅好评呃到，呢间餐厅嘅嘢食难食到一个点，唔单只保温唔够搞到嘢食冻晒，而且又油又咸，𩠌菜俾人夹晒又冇补充。面档果度仲离谱，唔俾拣𩠌同味道，乜唔系自助餐来咩？我未见过自助餐面档唔可以按自己口味去拣点煮啰！员工服务态度方面，阿姐个个黑口黑面，有D仲大声夹恶，搞到食都食得唔开心。都唔明点解一间咁嘅餐厅仲可以生存到依家，听讲佢哋系做中资饭堂，中资员工日日食埋D咁嘅嘢都真系几受罪。结论系，各方面都冇样好，其实$98喺湾仔有好多选择，点解要拣一间又难食，仲要食到一肚气呢？