影片
更多
2015-04-13
1940 浏览
如果有人大肆赞美, 又话好食又话肉质好, 又话新派乜乜乜, 除左相信佢系枪手之外, 别无其他。因为此食店应该系我食过最难食兼掠水的韩食店, 食物与MENU完全不相符。我们三人, 点左炸虾饭寿司(唔记得全名), 泡菜乌贼年糕及煎葱饼。炸虾饭寿司, 正常, 虾明显系无味的雪藏虾, 但算数, 已系当中最好。泡菜乌贼年糕, 可以用非常难食来形容。乌贼只有菜谱介绍相片的三分一SIZE, 基本上可以话系触犯商品说明条例, 泡菜汁浸住饭及年糕, 湿林林, 年糕硬, 饭又糊仔咁, 乌贼只系白焯过放喺个铁板度, 扮烧。煎葱饼, 佢上枱时, 我一时三刻唔知佢拎乜来, 无法想像佢系同我叫的东西系同一样嘢，因为基本上, 呢个所谓煎蒽饼, 只系比面包舖的PIZZA包大少少, 但系十倍价钱及劲难食, 葱都唔多条。本来仲叫左一个炸鸡篮, 但系一来漏单, 二来open kitchen入面的员工, 将食物丢来丢去咁玩, 然后好明显及100%相信, 会用来煮返比啲客食。所以, 我地最终连炸鸡篮都CUT埋, 无比机会佢进一步掠水。埋单加埋一罐超市卖五蚊, 但佢卖35蚊(及加一)的韩国啤酒, 一共330元。三个人夹份食一个P
我们三人, 点左炸虾饭寿司(唔记得全名), 泡菜乌贼年糕及煎葱饼。
炸虾饭寿司, 正常, 虾明显系无味的雪藏虾, 但算数, 已系当中最好。
泡菜乌贼年糕, 可以用非常难食来形容。乌贼只有菜谱介绍相片的三分一SIZE, 基本上可以话系触犯商品说明条例, 泡菜汁浸住饭及年糕, 湿林林, 年糕硬, 饭又糊仔咁, 乌贼只系白焯过放喺个铁板度, 扮烧。
煎葱饼, 佢上枱时, 我一时三刻唔知佢拎乜来, 无法想像佢系同我叫的东西系同一样嘢，因为基本上, 呢个所谓煎蒽饼, 只系比面包舖的PIZZA包大少少, 但系十倍价钱及劲难食, 葱都唔多条。
本来仲叫左一个炸鸡篮, 但系一来漏单, 二来open kitchen入面的员工, 将食物丢来丢去咁玩, 然后好明显及100%相信, 会用来煮返比啲客食。所以, 我地最终连炸鸡篮都CUT埋, 无比机会佢进一步掠水。
埋单加埋一罐超市卖五蚊, 但佢卖35蚊(及加一)的韩国啤酒, 一共330元。
三个人夹份食一个PIZZA包, 两粒虾饭同一兜又湿又样衰的细乌贼年糕, 每人都过百, 食左等于无食, 仲要去追加多餐先饱, 除左掠水之外, 我谂唔到其他comment。
张贴