峰壽司 (已結業)

原本我系开饭网只系睇人地食评多，今次实在怒不可遏所以留言比各位知道峰有几好味。今日，我同爱人在系旺角区行街食寿司，得知开饭网峰寿司及北海道活寿司都系好坏参半，两间寿司店人潮及人龙都吾见，而爱人之前试过(活)，今日我本著勇于尝试精神拖左佢入去试(峰)，差吾多六点半去到，店内人员服务态度尚可，我地order左约12,13样野食，上菜速度很快，第一碟食既系甜虾寿司，饭面有wasabi，女友见到面色一沉，虾只系普通虾毛仔，第二碟系北寄贝，寿司饭好松散份量劲少，第三碟系佢地招牌峰玉子寿司，蛋味算香但得个大旧，但饭好似米糠咁少夹系中间，第四五碟系粟米沙律同吞拿鱼沙律，味道算系正常，同样地饭一样系热同散，筷子技艺差既人完全夹吾到，第六碟系全晚精华所在，明太子沙律寿司，卖相好似红色既屎一pad~~，入口味道除左咸味同腥味完全食吾到系咩野，食到我差ｄ反白眼，第七碟北寄贝沙律，北寄贝碎混入青介同一堆吾知系咩既野再加一ｐａｄ沙律系面，入口有令人呕吐既感觉，跟住上既系蚬仔面豉汤，汤只系冲出黎既普通野，蚬好明显洗吾干净，连续几只都有沙。果一刻我同内子作左一个好难堪既决定，取消所有未上既ｏｒｄｅｒ埋单走人，最后带