影片
更多
2013-10-01
3410 浏览
唔好意思，由于我同我今次d朋友仔都冇"相机食先"呢个习惯，我更加冇写食评既习惯，今次系第一次，仲要系越谂越气顶，所以先写出嚟抒发下同希望咁多位唔好中伏。其实今次系有朋友想试加上咁啱系朋友生日所以就book位去食。我地提早左3日去book位，book左8个人，谂著8:00 / 8:30 去食，点知听电话果个话得7:30 & 9:00 呢2个时段，8:00 & 8:30 唔提供book 位服务(佢既语气好似赶住收线咁)，我当时都觉得奇怪，之前有朋友系book 8:00 食饭，仲介绍佢地既 "猪手"话几好食。不过算啦，我book左9:00同预留左个猪手，因为要就大家放工时间。果日9:00我同3位朋友准时去到，即系4个人，同个老板娘话我地book左9:00，佢话 "下，得4个咋，你地企出去等下啦" (态度好似极唔满意我地咁)。跟著佢赶左我地4个人出门口企，果度出面又焗又多蚊，不过见佢舖仔细细，可能系要过半数人先可以入去坐，咁算啦，我地都唔好意思企入面阻住人。跟住我另外3个朋友around 9:05到左，咁即系7个人，差一个朋友未到，突然有个waitress出嚟带左我地入去坐，佢系自动出嚟带我地
其实今次系有朋友想试加上咁啱系朋友生日所以就book位去食。
我地提早左3日去book位，book左8个人，谂著8:00 / 8:30 去食，点知听电话果个话得7:30 & 9:00 呢2个时段，8:00 & 8:30 唔提供book 位服务(佢既语气好似赶住收线咁)，我当时都觉得奇怪，之前有朋友系book 8:00 食饭，仲介绍佢地既 "猪手"话几好食。不过算啦，我book左9:00同预留左个猪手，因为要就大家放工时间。
果日9:00我同3位朋友准时去到，即系4个人，同个老板娘话我地book左9:00，佢话 "下，得4个咋，你地企出去等下啦" (态度好似极唔满意我地咁)。跟著佢赶左我地4个人出门口企，果度出面又焗又多蚊，不过见佢舖仔细细，可能系要过半数人先可以入去坐，咁算啦，我地都唔好意思企入面阻住人。
跟住我另外3个朋友around 9:05到左，咁即系7个人，差一个朋友未到，突然有个waitress出嚟带左我地入去坐，佢系自动出嚟带我地入去，我地冇同佢讲过任何野，我地一坐低，个老板娘就走过嚟话 "得7个，仲有1个呢"我地话未嚟到，但5分钟内会到，跟著我听到佢大大声话果个带位waitress "佢地未嚟齐就唔好俾佢地入嚟啦，你第一日入嚟做呀，咪由佢地喺出面企下啰，佢地阻住个门口，就叫佢地企远d啰" 当时我听到真系火都嚟埋，咩叫阻住个门口? 不过我都算喇，啱啱最后一位朋友都嚟到。
最后一位朋友坐低埋，刚刚带位果个waitress就一轮咀咁讲左7-8样当晚冇得供应既食物，哗!佢真系劲过讲急口令，完完全全听唔到佢讲咩，我怀疑佢地日日都冇果几样，所以背到滚瓜烂熟。
我地叫左个西班牙火腿并哈密瓜、芝士焗蚝(8只)、M5牛 (5成熟)、羊架(7成熟)、前鹅肝黑松露意大利饭，肉酱千层面、三文鱼意大利云吞，同预订左既猪手。
果个西班牙火腿并哈密瓜都唔知咩嚟架，d火腿一食就知唔超过5年，下面哈密瓜又系一食就知系平时人地酒楼平时送果盘果d嚟，仲要得5旧，一碟咁既野竟然收$9x，我喺出面(即港岛/九龙)食正宗意大利 / 法国菜呢个前菜都系$11x，仲要系好食好多。
好啦，我食完哂前菜 (即系芝士焗蚝同垃圾火腿)，冇人嚟同我地换碟，要我叫先做，咁我地食完哂d前菜就梗系将牛油刀同食蚝果只fork放左喺碟上面架啦，佢真系好好笑地帮我地换碟果阵，将果d牛油刀同食蚝果只fork放返喺我地面前，果下我真系哭笑不得。
跟著嚟既main dish，except 个猪手好食外，其他既我都唔知讲咩好，d牛同羊全部都系全熟，无牛味、无羊咪，完完全全唔睇都唔知自己食紧咩肉。其他野味道都系一般，唔值咁既价钱。
咁我地未食完前菜果阵都已经order定甜品，食完哂d main dish好耐都未嚟甜品，咁我地就倾下计，讲下最近去旅行d事，点知个老板娘突然走过嚟喝我地 "细声d啦"，跟住我仲睇佢口郁郁讲粗口咁，第一，我地8个人讲野一定有一定的声量，我自问我地唔算好嘈，不过你咁讲，fine，我当我地系，但唔该你俾番d礼貌，话哂我地都系客人，唔系冇帮衬，你仲要讲粗口，喂，你间系普通西餐厅咋，你估5星酒店呀，讲下野都唔得。跟著个老板娘走开左，隔离位无啦啦同我地讲"哗，个老板娘咁做生意架，我觉得你地都冇嘈到" 我地唯有一笑置之，都唔知俾咩反应佢地。
好啦，个甜品我地叫左心太软同芒果芝士流心蛋糕，2样食物一个conclusion：太甜。
总结：食物无咩特出、服务态度简直"十分特出"。
张贴