陶源酒家 (已結業)

一向都对陶源印象唔错，虽然响中环返工，但食点心都会行远少少选择上环呢间酒楼。平时去开红磡𠮶间分店，都知道红磡𠮶间嘅服务态度同订枱安排都比呢间好，但就冇想过分别咁大，仲会响中区出现。话说二月二号同公司同事一同去呢间酒楼食lunch，已经响一个星期前订咗枱，仲响一日前收到酒楼嘅confirm同booking no.，当日比预订时间还早到5分钟到达，去到楼下有位小姐都比咗枱号我哋，叫我哋上一楼。上到去就有一位小姐叫我哋等一阵，因为张枱埋紧单，结果一等就等咗10分钟，问第二次，𠮶位小姐佢都系叫我哋等一阵，张枱埋紧单，再等又过10分钟，大家都明白中环食lunch得一个钟，所以confirm booking系好重要，当时走又唔系，唔走又唔系，两头唔到岸。结果再问之下仲离谱，原来系根本冇枱埋紧单，𠮶位小姐话暂时答唔到我哋要等几耐，呢下当然火都嚟，冇枱又话有枱，confirm booking又响楼下比埋枱号都可以咁，当然系有人私下比咗张枱自己嘅人。呢样都算，最离谱嘅系𠮶位小姐讲大话，冇枱都叫我哋等，一次又一次讲大话，其间我哋质问咗三位服务员，结果𠮶位小姐比另外两位服务员教训咗一餐，我哋亦当面质问𠮶位小