影片
更多
2009-06-25
1 浏览
呢间野唔会再帮衬!! 事缘有朋友庆祝生日, 原先系订左20:45, 但我同女友到了, 咪行入去向服务员查询一下。点知那位小姐的态度极为恶劣, 又以懒系有礼貌的句子回答我:「呀先生, 你地BOOK左八点九, 讲你出去睇下张纸, 我地门口有写架, 你出去等下啦, 唔该」。呢种态度即系监狱风云, 周润发同阿SIR讲:「我大声唔代表我冇礼貌, 阿SIR 」一样。那种又串又大声的态度, 已经令我即刻唔想帮衬佢。不过有朋友生日, 又订左台, 为免唔想大家扫兴, 所以唯有继续留低等!! 好喇, 终于有得入去坐, 门口个服务员就攞住张纸系咁揾人入房坐, (我估系有人订左, 但系冇嚟)之后条友仔就俾左间房我地坐, 我就同佢讲, 我地8个人㖞, 条友仲话:「冇问题, 坐得落」。点知一入去, 仲细过我屋企间房(公屋有几大, 大家心照), 佢竟然要我迫8条友入去。我地曾尝试争取坐出大厅, 见佢有位系吉左, 条友又话有人订左, 死都唔俾我地。(后来到我地埋晒单, 张台都系冇人坐)间房又冷气不足, 成晚一路食就一路标汗, 完全唔掂。 食物又唔掂, 问佢攞芥辣又叫左几转先攞嚟, 刺身又唔新鲜, 连饮
好喇, 终于有得入去坐, 门口个服务员就攞住张纸系咁揾人入房坐, (我估系有人订左, 但系冇嚟)
之后条友仔就俾左间房我地坐, 我就同佢讲, 我地8个人㖞, 条友仲话:「冇问题, 坐得落」。点知一入去, 仲细过我屋企间房(公屋有几大, 大家心照), 佢竟然要我迫8条友入去。我地曾尝试争取坐出大厅, 见佢有位系吉左, 条友又话有人订左, 死都唔俾我地。(后来到我地埋晒单, 张台都系冇人坐)间房又冷气不足, 成晚一路食就一路标汗, 完全唔掂。
食物又唔掂, 问佢攞芥辣又叫左几转先攞嚟, 刺身又唔新鲜, 连饮汽水都系唔冻嘅, 问佢攞冰杯又系追几次先嚟到, 成Q日漏单, 个象拔蚌寿司直头腥到阿妈都唔认得, 但系佢又贴晒纸, 又话食唔晒要加50%费用, 班老友咪唯有咬啖之后就放低啰。叫左两个锅物, 又唔识得主动攞碗嚟, 叫人用只碟点食先得架, 问佢攞, 最后都系冇嚟, 朋友咪唯有用装芥辣的小碗食啰。
总结就系, 如果你唔想贴钱买难受, 如果你唔想食饭食到一身汗, 如果你唔想食垃圾的话, 小弟建议阁下千万不要去了。由于本人唔喜欢食饭同D菜式影相, 故此没有相片提供 !!
张贴