飲嘢 (已結業)

之前外卖甜品另比钱加左芋圆！返到屋企发现佢地无加！已经即刻打电话讲话佢地无比！佢地就话留返姓名电话下之去补返比我！我讲左话我唔系住个区，可能会好耐之后先去！佢地话会写低到时我去比返我！咁我今次去到都唔会净系叫佢地比返芋圆我！我买左两个甜品，再同佢地讲上次无比芋圆，问系咪加返比我？佢地员工好无礼貌态度好差咁话唔知有呢件事！话人人入黎话要加返就加？我话：下！咁我打电话黎个时你地系咁讲！佢就话老板无讲低，同埋佢地话如果有呢啲事会有纸写低，但佢地无见到有纸！我话呢啲系你地既事！我话咁你不如打电话比你老板或其他同事问下！个无礼貌既女员工就话佢日日都系度！跟本就无听过电话！又话老板唔听电话！咁我话咁我点呀？等到你老板听电话呀？我话你唔比返我唔紧要！我会上网讲你地收左人钱但唔比足料人！个女员工即刻态度180度变！话咁我比返两份你！我话：唔洗你比返两份我！我净系要返我比左钱个份姐！买个糖水食姐！嬲到我丫！佢唔知唔代表无发生过！仲咁无礼貌！我以后都唔会去！