影片
更多
2022-08-22
845 浏览
琴日去买外卖饮品，见到门口贴咗个QR code俾人外卖自取落单咪用啰，俾钱𠮶度净系可以取餐时付款，咁照拣取餐时付款。之后佢就有预计取餐时间，餐厅入边有冇位等外卖，咁我就响门口等佢出餐。佢门口位有张枱仔放外卖自取嘅嘢食嘢饮，我一路等一路望住，到咗取餐时间都仲未有嘢饮出，我就入去问个侍应张单有未。个侍应态度极不耐烦，喝我：「过去俾钱啦。」，但就冇比指示去边度俾钱。餐厅里面有一个明显系收银处嘅位置，所以我就埋去收银处俾钱。我扫咗电话个单号同埋落咗单嘅内容比个收银员睇，佢响收银部机度揿咗几个掣再同我讲：「$70丫」，我俾钱佢，个收银竟然呆咗，然后讲：「吓，原来你买嘢饮㗎，唔系呢边俾钱㗎。」然后就攞住我啲钱，带我去水吧（门口位置），递咗我啲钱俾水吧入边嘅女仔（水吧完全冇指示系饮品收银处）。我喺水吧枱面见到我张单，仲有一杯同我order一模一样嘅饮品（俾人饮咗一半），然后个女仔就问我落单嘅电话Number头四个数字。当时餐厅一啲都唔嘈，我讲完电话数字后，个女仔一啲反应都冇，呆咗，我再重复一次，佢都冇反应，隔咗几秒个女仔就问我可唔可以讲多次，我唯有再重复多次。然后我问个女仔：「你个System写住取
佢门口位有张枱仔放外卖自取嘅嘢食嘢饮，我一路等一路望住，到咗取餐时间都仲未有嘢饮出，我就入去问个侍应张单有未。个侍应态度极不耐烦，喝我：「过去俾钱啦。」，但就冇比指示去边度俾钱。
餐厅里面有一个明显系收银处嘅位置，所以我就埋去收银处俾钱。我扫咗电话个单号同埋落咗单嘅内容比个收银员睇，佢响收银部机度揿咗几个掣再同我讲：「$70丫」，我俾钱佢，个收银竟然呆咗，然后讲：「吓，原来你买嘢饮㗎，唔系呢边俾钱㗎。」然后就攞住我啲钱，带我去水吧（门口位置），递咗我啲钱俾水吧入边嘅女仔（水吧完全冇指示系饮品收银处）。
我喺水吧枱面见到我张单，仲有一杯同我order一模一样嘅饮品（俾人饮咗一半），然后个女仔就问我落单嘅电话Number头四个数字。当时餐厅一啲都唔嘈，我讲完电话数字后，个女仔一啲反应都冇，呆咗，我再重复一次，佢都冇反应，隔咗几秒个女仔就问我可唔可以讲多次，我唯有再重复多次。然后我问个女仔：「你个System写住取餐时付款，但系而家点解系叫我落单后应该要入嚟俾钱先？」佢冇反应，我再问：「咁即系我下次嚟买外卖，应该落单后即刻嚟俾咗钱先系咪？」佢答我系。咁乜嘢叫做取餐时付款？？
更妙嘅系，佢个System有问我要唔要餐具，我嗌嘢饮，餐具即系饮食嘅时候用嘅工具，咁即系饮管啦，咁我剔咗要，个收银响我攞嘢饮嘅时候响收银处嗌去门口，问我：「你系要乜嘢餐具㗎？」我答佢：「饮管啰。」佢仲要话：「哦，饮管呀，我仲以为你要啲咩餐具添。」
成个体验好差，问题有三
一：佢哋落单流程指示极不清晰
二：佢哋落单嘅System讲嘅嘢，同佢哋实际操作不一致
三：啲员工懒懒闲，尤其个侍应，态度好差，你就日日响度返工知晒流程姐，客系唔会知嘅，所以系冇理由唔耐烦同态度差，好似个客要知道你哋公司点做咁。
最后两杯嘢饮，嘥咗我半个钟时间去等，呢间嘢就算几好饮都冇用，里面啲人工作态度，效率，方式都好有问题，唔会帮衬第二次。
张贴