四季冰室 (青衣市場)

营业中

休息中

专登开个账户写食评，之前谷鬼气写漏咗。楼面既人大部份唔系做野既，尤其个短髪阿姐，目光呆滞，满怀心事。叫咗个面餐，个火腿炒蛋等到食完个面都未到，个面就凉既算，个蛋见到喺水吧位放左出黎好耐，唔会有人睇下有冇野埋，我份人就好硬颈既，专登唔叫睇下你埋唔埋，个阿姐真系望住一点，唔埋就唔埋，到之后埋枱，个火腿蛋冻既，但系碟底浸满油，仲要张枱号写单张餐纸仲喺碟野度俾埋我。收银阿姐又系，好似欠佢钱咁。冇夸张既，我从来觉得俾几十蚊，要求唔会高，求其有野食正正常常就ok, 老细可以睇番cctv就知我讲乜。好老实，老细俾咁多钱开间餐厅都系求财，请咁既人点会有人再帮衬，之后睇番先知原来啲食评个个都投诉，老细真系要正视下，至少有个帮到手话到事既睇住个场。我从来唔会晒时间写啲咁嘅嘢，因为真系太离普，希望openrice能够贴出黎，提醒相关餐厅，唔好成日话香港餐厅点解成日冇人帮衬，根本系自身问题。