Deli-O (已結業)

几个月前食过同一餐厅同一食物，今次质素差左好多。唔好话咁耐之前，今次同妈咪点左同样系喇沙，竟然个汤底都差左好远。我点既系海鲜参参，妈咪既系炸虾参参。海鲜参参既优点系料好丰富，有青口、鱼片、虾、豆卜、鱼同草菇，虽然唔可以话啲海鲜好新鲜，但呢啲价位，青口同虾都唔会话得一只，味道都算系咁。面系有2种，油面同米粉。我钟意食油面多啲，但今次碗面竟然几乎得一啖油面，其他全部都系米粉。上次食比例都仲系一比一。我妈话一定系因为油面贵啲。见到全部都系米粉已经有啲不满，仲要个汤底都出事。妈咪个汤底好明颢系红啲，我既汤底就得奶白色。好明显我系得椰奶，已经唔似一个喇沙既汤底，味道好单一。相信下次再黎都唔会再点喇沙啦。