金滿象正宗泰國菜 (已結業)

今晚和友人到太子花园街觅食。原本想试煲仔饭，行咗成条街，又过对面街望下，见到有越南野，又好想食海南鸡饭。再行多一阵，见到有两间泰国餐厅，最后入咗呢一间，因为外面个包装好似靓啲。果然冇入错地方，虽然侍应姐姐有啲怕羞，但老板娘好搞笑，同我地有倾有讲。今日系星期三，佢个烧鸡包黄姜饭有半价，好似好吸引咁，所以我哋就决定叫一客。另外叫咗个蒜蓉蚝油椰菜苗，同埋生虾刺身。认真要赞下个烧鸡包黄姜饭！不过个蚝油椰菜苗就咸左少少，而且份量比较少。生虾刺身𠮶个汁几有趣，不过劲辣。