稻香 (藍天海岸)

营业中

休息中

稻香广告: '每日空运抵港' 松叶蟹$138/斤，好吸引，即带同两老去食蟹。我地想揾一只大的松叶蟹，女部长话今日嘅蟹都系2斤半，来货时已磅过。不让我们在水缸再拣，厨房会拣的，因为只只都一样。又因程序在厨房进行，不能让我亲眼看见秤蟹及蟹的重量！咁都要睇吓自己只蟹个真身啩！在我坚持下，才用车仔放咗一只话系2斤半的蟹比我哋睇，但好明显钳同爪已张开不动，口眼亦冇反应。女部长话松叶蟹不太动，是正常的。我要求要另一只，佢不情愿地换来的都是极慢爪，还断了一只尾指的。仲话要就要，只只差不多，就走开了。为免两老难堪，不再争持，还是接受了。但呢个时候女部长就同落单同事话，呢只有2斤9两，所以要加2两。吓！我问如何目测这蟹重多2両？ 我心算计出2斤9两相等于两斤半多一两，何来计出要加2两？有诈骗之嫌！质询下佢改话加1両，随口乱讲好离谱！但问题仲未完，松叶蟹蒸熟上枱，咦！只蟹唔同咗！呢只尾爪两边都无断。又再查询，今次一个姓赵女店长出来处理，佢话唔会搅错，仲攞另一枱只松叶蟹比我哋睇(认出是第一只死蟹，因为个壳有D特征)。我同姓赵女店长讲述之前发生嘅事，佢承认要加2両是不对，会更正，但坚持蟹是不会搅错，要信他们。