影片
更多
2016-11-14
1677 浏览
食上海野不禁令我谂起之前住喺荃湾嘅一段时间，果段时间我最钟意就系食楼下𠮶间上海菜馆嘅上海粗炒同埋小笼包。一个星期起码都会食两三次，自从搬离开咗荃湾之后就真系好耐无食过上海野，有都几怀念。因为工作嘅关系令我听到上海姥姥呢个名p呢间开咗唔够半年嘅餐厅，未够半已经系好多个地区设店，特别系坚尼地城呢一间，佢嘅装修做特别靓，有格调d。特色凉菜--上海嘅凉菜有好多唔同嘅味道，我相信最为人熟悉嘅就系四喜烤夫，醉鸡同埋素鹅。呢度嘅凉菜可以自己组合任拣三个款式，啱晒小人食又想试多啲唔同新口味嘅。特别推介烤夫--味道比出边嘅味道好，佢有啲甜甜咸咸，仲有少少玉桂粉嘅味道。入边除咗烤夫，仲有冬菇同埋云耳。食落去冬菇炆到好入味，软身浓味，非常之好食。素鹅--平时我都唔系好钟意食炸嘢，呢味菜我完全冇乜兴趣，因为我好怕啲炸嘅嘢，但系呢度整嘅竟然唔干身，食落去仲有少少脆而不干嘅感觉，入面仲加左啲香菇同埋云耳，仲增加左佢嘅味道。蟹粉小笼包--即叫即包即蒸，咁考功夫同时间嘅，佢完全系好快嘅情况下做好，由叫到可以食只不过系15分钟嘅时间。整出嚟嘅小笼包个皮好薄，入面非常多汁，夹上黎𠮶阵时候个皮又唔会烂㖞，反而就见到个小笼包
因为工作嘅关系令我听到上海姥姥呢个名p呢间开咗唔够半年嘅餐厅，未够半已经系好多个地区设店，特别系坚尼地城呢一间，佢嘅装修做特别靓，有格调d。
特色凉菜--上海嘅凉菜有好多唔同嘅味道，我相信最为人熟悉嘅就系四喜烤夫，醉鸡同埋素鹅。呢度嘅凉菜可以自己组合任拣三个款式，啱晒小人食又想试多啲唔同新口味嘅。
特别推介烤夫--味道比出边嘅味道好，佢有啲甜甜咸咸，仲有少少玉桂粉嘅味道。入边除咗烤夫，仲有冬菇同埋云耳。食落去冬菇炆到好入味，软身浓味，非常之好食。
素鹅--平时我都唔系好钟意食炸嘢，呢味菜我完全冇乜兴趣，因为我好怕啲炸嘅嘢，但系呢度整嘅竟然唔干身，食落去仲有少少脆而不干嘅感觉，入面仲加左啲香菇同埋云耳，仲增加左佢嘅味道。
蟹粉小笼包--即叫即包即蒸，咁考功夫同时间嘅，佢完全系好快嘅情况下做好，由叫到可以食只不过系15分钟嘅时间。整出嚟嘅小笼包个皮好薄，入面非常多汁，夹上黎𠮶阵时候个皮又唔会烂㖞，反而就见到个小笼包啲汤喺个包嘅底，好似想烧想爆甘，但又唔会。之后咬落去，d汤完全爆唒出嚟，肉汁夹杂著蟹粉香，超正！
我嘅主角，海胆蟹粉拌面。好难可以想像到原来海胆同埋蟹粉竟然系好好嘅朋友，蟹粉一早就拆咗出嚟捞埋喺d手打面𠮶度，上面再放两旧好大嘅海胆，食𠮶阵时再捞埋一齐食，除咗有海胆嘅味道更加有蟹膏嘅味道再配埋师傅即场拉嘅面，真系。。。夫复何求呢。。。
仲有我嘅最佳配角，一提到葱油饼其实我真系一啲兴趣都冇，食落去好似成口粉咁样。但估唔呢度嘅葱油饼竟然同我平时食嘅唔同，佢嘅葱油饼上面𠮶层皮系平时食嘅咋云吞皮，好香脆。跟住中间就包啲葱油喺度，超好味。令我对葱油饼改观唒！
滋补的红枣茶，润而不渴，岩唒依家甘干嘅天气。
头先都讲到因为工作嘅需要令我认识到上海姥姥呢一间，我都知佢系大家乐集团其中一间食肆。所以我都唔会抱太大嘅期望，会觉得佢系一间快餐厅，但系今次食完之后我觉得完全系另外一种唔同嘅路线，我肯定会再食。
张贴
