影片
更多
2010-07-13
45 浏览
世界杯终于曲终人散, 而西班牙亦喺冇咩考验下夺得冠军, 合理与否见仁见智, 不过亦因为咁师傅亦终于可以抖一抖喇; 世界杯期间师傅亦有食唔少野, 可惜年纪大, 体力唔好, 所以睇完世界杯后都未写到, 而呢个食评亦系其中一个! 日本大战巴拉圭, 正好系师傅约左好友食家"乜都放入窿"饭局, 由于大家都喺港岛区工作, 所以好友食家"乜都放入窿"就决定带师傅黎食汉堡包! 食汉堡包看似普通, 但好友食家"乜都放入窿"带得师傅食嘅一定唔野少, 一定有d料嘅, 所以师傅都甚为期待, 相约八点半集合, 然后由好友食家"乜都放入窿"引路!入到食店感觉十分特别, 汉堡包店嘅感觉令师傅彷似置身于外国, 甚有西部牛仔嘅酒吧感觉; 于是求其是但揾个位坐底, 只见食客得小猫几只, 但师傅又绝对冇觉得食物唔得嘅感觉, 还见其他食客在玩纸卡游戏, 亦即时令师傅想起呢度亦系斗地主嘅一个好地方! 再行埋去睇下有咩好食啦, 发觉食物选择甚多, 真系令师傅样样都想试! 最后师傅拣左个烤墨鱼扒汉堡包餐, 餐系有薯条同汽水, 而好友食家"乜都放入窿"就拣左个香草白猪肉肠热狗餐, 落完单等左一阵后, 由于师傅觉得好鬼肚饿, 所以个
日本大战巴拉圭, 正好系师傅约左好友食家"乜都放入窿"饭局, 由于大家都喺港岛区工作, 所以好友食家"乜都放入窿"就决定带师傅黎食汉堡包! 食汉堡包看似普通, 但好友食家"乜都放入窿"带得师傅食嘅一定唔野少, 一定有d料嘅, 所以师傅都甚为期待, 相约八点半集合, 然后由好友食家"乜都放入窿"引路!
入到食店感觉十分特别, 汉堡包店嘅感觉令师傅彷似置身于外国, 甚有西部牛仔嘅酒吧感觉; 于是求其是但揾个位坐底, 只见食客得小猫几只, 但师傅又绝对冇觉得食物唔得嘅感觉, 还见其他食客在玩纸卡游戏, 亦即时令师傅想起呢度亦系斗地主嘅一个好地方! 再行埋去睇下有咩好食啦, 发觉食物选择甚多, 真系令师傅样样都想试!
最后师傅拣左个烤墨鱼扒汉堡包餐, 餐系有薯条同汽水, 而好友食家"乜都放入窿"就拣左个香草白猪肉肠热狗餐, 落完单等左一阵后, 由于师傅觉得好鬼肚饿, 所以个餐都未黎到已经决定加单, 同好友食家"乜都放入窿"商量后决定要一份咖哩角同一份芝士辣肉酱薯角, 而伙计仲问师傅要大定细, 师傅话梗系大啦!
主餐未黎, 加单嘅咖哩角同芝士辣肉酱薯角已经率先登场, 于是师傅即刻试下咖哩角, 咖哩角真系即叫即炸, 因为放入口系劲热同埋劲脆, 加上唔油腻, 感觉十分之正, 如果咖哩味能够再香浓少少, 相信会更加吸引; 至于芝士辣肉酱薯角份量真的相当之大, 芝士味就唔多觉, 不过辣肉酱真的几辣, 内里真的有天椒, 所以十分惹味, 加上薯角香脆, 整体真的不俗!
食左一阵师傅个主菜终于登场, 烤墨鱼扒汉堡包其实师傅都系第一次食, 所以十分期待, 烤墨鱼扒汉堡包系将个包分开面同底 (如图), 用意系比食客自选添加配料, 呢种食法绝对啱晒师傅同好友食家"乜都放入窿, 皆因唔食嘅可以唔要, 钟意食又可以放多少少, 最后师傅放左少少酸瓜, 粟米同蕃茄等, 完成后攞番埋位, 当师傅正准备成个包啪落去, 点知由于包身颇厚, 墨鱼扒亦甚厚, 加埋配料根本冇办法成个包食, 最后师傅只好分开两边食; 先食个包加少少配料, 包身热腾腾又十分松软, 加上配料十分新鲜, 第一个感觉已经不错; 再试埋另一边, 入口发觉墨鱼扒劲香, 扒内亦有劲多墨鱼肉, 十分爽口, 非常好味, 𠮶种好味程度令师傅忍唔住要切少少墨鱼扒比好友食家"乜都放入窿”试下, 而好友食家"乜都放入窿”亦对此赞不绝口, 师傅第一次食就觉得呢个烤墨鱼扒汉堡包系必食推介! 至于炸薯条系属于粗身薯条, 薯味重但师傅略嫌硬左少少, 收货啦; 师傅亦有幸试左少少白猪肉肠, 感觉系白猪肉肠十分之香, 肉味几鲜, 不错!
总括黎讲食物质素十分出色, 环境地方十分清洁舒服, 服务亦友善, 价钱相宜, 绝对值得一试再试! 能够食到咁出色嘅食物令师傅真的十分满足, 同好友食家"乜都放入窿”饭局真系永冇失手势, 所以笑脸师傅系必定会比, 而家呢一刻师傅已经谂紧几时会再去喇!
后记: 由于日本大战巴拉圭开战在即, 而师傅同好友食家"乜都放入窿”决定赶回家睇波, 但眼见仲有一堆薯角未食晒, 于是师傅失惊无神讲左句 “黎个快食啦”, 而好友食家"乜都放入窿”亦回得甚妙 “而家唔系快唔快食, 系确实好饱呀”, 当下师傅真的笑到牙都甩呀, 唯有打包攞走啦!
张贴
