陳茶館芋圓甜品專門店 (馬頭圍道)

营业中

休息中

呢排最HIT一定系开心果，而呢间嘅开心果糖水一定系榜上有名，今次我都唔放过黎潮圣！对比起黄埔店，呢间唔洗排太耐队，等一阵入得。🍴开心果雪燕西米露 $52 💫8.5/10同照片系100%相同，超级开心果绿色，望到都兴奋！捞匀每啖都食到有开心果碎，开心果味道都几浓郁，唔会太甜，所以食到尾都唔会好腻。入面仲有雪燕、西米露，所以口感超级丰富。仲要有埋十几粒招牌芋圆，烟烟韧韧好QQ，咬落仲食到芋头/蕃薯香。咁好食难怪开心果关注组咁推荐！🍴姜汁桃胶三宝 $43 💫5/10唔叫唔知姜汁咁强劲，见到佢附嘅卡仔写明「可能系全港最辣嘅姜」，但冇估到后劲咁强，平时食开辣姜都觉得头一两啖OK，但越食加埋热更辣，有D顶唔顺！同埋佢冇咩甜味，只得辣味，食得好辛苦。谂住问下有冇咩糖水可以加落去中和，但系冇。除左姜汁，芋圆、桃胶、小丸子配料系完全冇问题，水准之上。呢款姜汁要留俾平时食得辣嘅人。🌟总结：芋圆好食，QQ软糯。开心果好正抵食。糖水好足料大碗，值得排队食。姜汁就见人见智，个人不喜。