小南國 (已結業)

中环万宜小南国服务差得很。 首先，落单时要系个汇丰咭大闸蟹餐的头盘𢵧两样，负责订枱的朋友问九个人有四碟，有四款，每样一碟，部长话唔得，四碟都只可𢵧两款。咁朋友就放个餐牌上转盘叫我哋𢵧，我只答了一句话我无所谓，叫订枱个朋友𢵧，跟住个部长就好晦气咁话，你哋唔𢵧我落唔到单。 九个人，开咗壸普洱茶，叫开多壸香片又叫几次。 九个人，第一盘大闸蟹上十三只，之后隔好耐再上五只？点解唔九只九只上？或者一次过十八只？个锅唔够大蒸晒十八只？真系唔知㖞！ 其实九人坐十二人枱好松动，做乜系都要系我个位上菜，上菜呀姐多次差点批踭我个头，我要不停闪开，其实隔两张櫈无人坐，你去𠮶度上会好好多，枱与枱又离好远，大条路比你行过去。 个阿姐收食完蟹的碟，点知系我櫈后不小心倒了一地蟹壳，佢执起个碟，然后一地蟹壳到我哋走都无人清理。 入主题，食两只公(听讲九月圆，十月尖)都无白色膏。黄色膏亦不香。大闸蟹是这次聚餐主角，主菜令人失望。 炸黄鱼好食，除了中间一大条骨之外，整条连小骨也能吃而且味道不错，鱼肉也不干。 东坡肉也好吃，不过同一间食肆也有参差，好耐之前系呢度食过东坡肉系唔好食的，今次好食。