豐味窯雞

营业中

休息中

近排开始常常煮饭，因为小朋友都忙着开学，而我就要跟进通告跟进功课，所以都冇得出街食饭。好彩好多妈妈都系经历紧呢啲事情。咁有一日倾开偈，佢哋就介绍我唔使煮得咁辛苦，不如买只烧鸡返去简单食就得啦！咁都几好㖞，佢哋食过话好食一定可以试吓啦。我见买外卖地址同屋企好近所以一于去试吓。事先预订咗去到呢，就讲返电话号码就攞得啦。真系好方便。之后搭车返屋企，放工时间喺巴士上边一直都好多人之后竟然有人问我点解外卖包装咁香嘅我就介绍佢去买丰味窑鸡啦原来系啲香气透露晒出嚟，肚饿嘅香港人闻到都忍唔住八卦问我系边度买只咁香既鸡。啱啱出炉嘅烧鸡好热，店家已经安排咗劳工手套和胶手套首先戴上劳工手套防止热力之后戴上胶手套，防止啲油渗入。打开只鸡都唔细只个㖞，原只嘅烧鸡之后用手套原只撕开啲汁一直滴出嚟，我自己用个碗留起啲鸡油之后食鸡嘅时候点返增添香味。烧鸡普通大细，但鸡胸鸡髀位置啖啖肉，系好滑嘅。而且用锡纸保留温度，就算返到屋企都系热辣辣㗎。一晚落嚟净系食一只鸡都够三四个人饱。加碟菜就无敌啦。价钱唔贵而且落单算方便，所以谂唔到煮乜呢？就去买外卖啦。