2 Soon Cafe

营业中

休息中

呢間小店有落地玻璃，採光度十足，另向巷一面巧妙地用紅磚牆做裝飾，透光得嚟又有特色~加上樓底夠高，座位唔迫，真正傾到計~聽侍應講最近換咗新餐牌，有好多新菜式試！！先叫番個傳統西班牙小食，第一次食配有酸種面包嘅蒜片欖油大蝦，感覺又唔錯，可以平衡一下膩感，大蝦充拆著蒜油香氣，隻隻爽彈，好好食~梅子檸香酒浸蜆咁特別當然要試下，隻隻蜆肉都漲卜卜夠大隻，睇都知新鮮，入口有淡淡梅子味同檸檬香，唔會太濃，冷盤小食確實唔錯!Main Course要油封鴨腿伴西班牙焗飯，非常讚，油封鴨皮香脆，鴨肉保持嫩滑；西班牙焗飯帶點香脆，乾身但飽滿。最後當然要叫返西班牙傳統甜品churros,配上金箔片，成個格調即刻唔同晒，加埋濃稠朱古力醬同雪糕，食落超滿足！不得不提呢度嘅咖啡非常唔錯，香濃又滑口！另白桃烏龍茶入口有幽幽香桃味，勁滿足嘅一餐。