鳴虎 (北帝街) (已結業)

天气冰冷就会想食d 暖笠笠嘅嘢食, 而因为夜晚无堂食, 又谂起鸣虎拉面, 咁就试吓外卖啦。🥢 黑鸣虎-博多黑蒜油外卖嘅卖相当然不及堂食啦, 不过餐厅会主动分汤, 所以唔怕d 拉面会浸淋咗。拉面包含1 只糖心蛋, 2 片豚肉片, 1 块紫菜同木耳丝。糖心蛋流心, 豚肉片嫩滑, 不过紫菜就淋晒🙈。汤底好浓好香, 不过略嫌太少汤, 差少少就唔够嚟𩠌面食。🥢 芝士鱼饼拼鱼条芝士鱼饼入面嘅芝士半溶, 同鱼饼味道好夹, 唔会觉得肥腻。鱼条除咗有芝士仲有粟米粒, 芝士控绝对唔可以错过。💭 整体食物好好食, 充满日式味道, 值得再食嘅一间餐厅。