樂天皇朝 (已結業)

同一屠有两间乐天，要食8色小笼包唔好去错呀!两个人都比卡位你坐，宽敞舒适，又可以摆手袋。侍应好勤快，好快加水执拾枱面。建议唔好唔食， 因花生栗子都入味。四川夫妻肺片 真系几辣，又麻又辣， 个麻辣味系口入面慢慢渗出嚟。皇朝话梅骨 酸酸甜甜好开胃，每一粒细细粒，有肉有骨，会食得好快。黄鱼豆腐汤 整锅汤都唔会腥味，亦都有好香浓的胡椒味， 材料有酸菜、豆腐、鱼、芫茜和胡椒粒。皇朝小笼包 估唔到八色小笼包的味道各有千秋， 其中较为突出的系黑松露、芝士、蟹粉，一口一种味，汤汁会喷哂出黎。皇朝担担面花生味好香浓，多葱，啲面好弹牙爽口。 成碗橙色，好似好辣，但入口唔系觉得好辣的。