有囍 (已結業)

平日送囝囝返学，常常去旺角花园街揾食。今晚囝囝冇乜功课，于是book咗「有囍」食饭。平日为食的我，睇完五花八门的餐牌，居然选择困难: 有粤川菜新系列，又有招牌东南亚菜式，腊味及糯米饭，羊腩煲同海鲜火㶽。最后，懒惰的我请老板推介。他推介海鲜火㶽: 有虾、蟹、鲍鱼、螺、带子、圣子、鱿鱼、鱼片和菜等等。因为个餐是两位用的，老板惊囝囝冇得食，帮我哋加大咗。 后来我们追加了雪花肥牛同大大粒手工馄饨，真系超好食。另外，我们叫了招牌星加坡麦皮虾，虾很新鲜有虾膏，好惹味，D麦皮炒过，可以直接当饭吃。总结: 食材新鲜，用心制作，最后埋单都系一千蚊，真系好实惠。