eaaat. (V City)

营业中

休息中

同朋友庆祝生日，叫咗个二人分享套餐，点餐后半小时先至上第一杯嘢饮，途中见到其他人枱上面嘅嘢食越嚟越多，自己张台就未见到有嘢食上，友善地问侍应系唔系漏单，之后就劲急急脚全部嘢食都上枱。由于叫个二人餐仲要加58蚊先有个安格斯肉眼扒食，加得钱通常都会期待下，好记得落单嘅时候我是应仲问我要几多成熟，我答佢要五成。之后上到枱系一块薄到飞起嘅普通呢全熟牛扒，望其他人枱上面嘅牛扒都系厚。之后越食越嬲，就揾经理问一问， 寿司问一问系唔系只有一款牛扒喺晚餐提供，个男经理答我有两种，跟住我就问佢我而家喺枱上面呢个咁薄嘅牛扒系边种，佢答「可能系安格斯肉眼扒」，听到都嬲到震，点解唔可以答我系乜嘢，而系搭「可能」，正打算放弃询问佢其他嘢嘅时候，个男经理讲咗句「有咩唔怕可以照直讲」，好波，果下佢真系好有勇气。我都好直接咁同佢讲「我唔想再食，我想走，麻烦你帮我取消咗个甜品佢」， 系呢一刻真系觉得不可一不可再🤦🏻‍♀️🤦🏻‍♀️🤦🏻‍♀️。虽然错误喺个经理到，但系佢个答法都几神奇，最后临走嘅时候同我讲会同个厨房反映……我唔信会觉得有用啰。