影片
更多
2019-03-05
3891 浏览
小编做过服务同饮食业（同行友人亦都系），做过几年咖啡店，唔通又要同你讲咩。其实真系要，因为有D人会觉得我地呢D会即场向职员反映嘅人等如 _客，佢地唔会知你可能都系做服务，觉得你就系奥客。自问serve人嘅时候对得住良心，亦都见过唔少麻烦客。自己出到去都会注意下自己嘅言行举，不过有时都唔知自己系个客，定个职员系客，有D职员真系高高在上，不可一世。讲返呢间先。其实小编喺佢开业之后都光顾过几次。𠮶时所有野都系好D嘅，尤其系服务态度。小编系食过D野好食，咖啡同其他野饮都好好饮，又坐得舒服。小编成日都向其他人介绍呢间cafe。小编呢排先玩openrice，本身想比个好评支持下佢地，但因为太耐无去，相都旧哂，费事比D唔准碓嘅资料，就谂住揾次再去食先再写。点知无黎呢度一年，好多野都变哂。首先想讲下呢度嘅服务态度。大致上呢度D员工都系一般，唔好但都又未到好差。(不过冇同其他员工交流过唔知)以上嘅描述当然唔包括个别员工啦。落单位员工唔知系咪带住耳机同其他同事沟通，所以心不在焉，两个人分开叫，一个人只叫一杯咖啡，冇customise，佢都要人重复。其实呢个唔算大问题嘅，但会令个客觉得你做紧乜。其实𠮶度咁多
其实真系要，因为有D人会觉得我地呢D会即场向职员反映嘅人等如 _客，佢地唔会知你可能都系做服务，觉得你就系奥客。
自问serve人嘅时候对得住良心，亦都见过唔少麻烦客。
自己出到去都会注意下自己嘅言行举，不过有时都唔知自己系个客，定个职员系客，有D职员真系高高在上，不可一世。
讲返呢间先。其实小编喺佢开业之后都光顾过几次。𠮶时所有野都系好D嘅，尤其系服务态度。
小编系食过D野好食，咖啡同其他野饮都好好饮，又坐得舒服。小编成日都向其他人介绍呢间cafe。
小编呢排先玩openrice，本身想比个好评支持下佢地，但因为太耐无去，相都旧哂，费事比D唔准碓嘅资料，就谂住揾次再去食先再写。
点知无黎呢度一年，好多野都变哂。
首先想讲下呢度嘅服务态度。大致上呢度D员工都系一般，唔好但都又未到好差。(不过冇同其他员工交流过唔知)以上嘅描述当然唔包括个别员工啦。
落单位员工唔知系咪带住耳机同其他同事沟通，所以心不在焉，两个人分开叫，一个人只叫一杯咖啡，冇customise，佢都要人重复。其实呢个唔算大问题嘅，但会令个客觉得你做紧乜。其实𠮶度咁多员工，又唔见佢地有野做紧，你忙可以叫第二个帮手。
咖啡黎到先系最大问题。我地叫左三杯咖啡，一杯latte同两杯flat white。我拎第一杯咖啡黎𠮶位员工上枱唔同我地讲系咩黎。佢上第二杯时，我地问佢第一杯系咩，佢答latte，第二杯佢就话系flat white。到第三杯黎到，佢又话系latte。跟住我地就同佢讲，我地系叫左一latte二flat white㖞，佢就答，咁头两杯系flat white，最后𠮶杯系latte啦，跟住就走左，冇谂住帮我地confirm。
哇！乜宜家D人可以求其到咁架咩！虽然两杯野饮系冇乜分别姐，咁始终真系有D分别架嘛，如果唔系整两个名比佢地做乜。
你地可能会觉得系小事，但卖咖啡饮咖啡到咁求其，小编系难以接受。
之后小编就忍唔住同D职员讲，落单𠮶位员工就过黎帮我地处理。最后佢就想帮我地换过其中两杯咖啡(其中一杯有条眼睫毛唔知几时跌左落去)，我地净系换左有眼睫毛𠮶杯就算，费事嘥野。
虽然呢度唔系专卖咖啡，有其他野食卖埋，都唔代表可以对咖啡咁求其。
既然呢度都请得D又识拉花又识咖啡嘅人，点解唔认真到底呢？
定还是文青cafe唔可以要求咁多，要讲句「文青系咁架喇」？
嗡完一轮废话就讲下其他野。
呢度宜家有自己嘅杯，而且仲大左。
咖啡比以前淡左D，似饮紧奶多D。
但D泡打得好滑，亦都好 standard。
不过咖啡温度高返少少会较好，宜家系暖偏冻。
小编由以前开始已经好钟意坐 oustide，因为好空扩又好舒服。
以前嘅咖啡少D，但味道浓D好饮D。
宜家唔知仲有冇serve呢两款野食。之前食过几款菜式，味道都几好。
张贴
