影片
更多
2019-06-05
2072 浏览
无论由上环站、香港站定中环站过去，都必需经过大大少少嘅斜路先去到石板街。虽然行上去唔系话好斜，但大热天时行，你都咪话唔辛苦。位于石板街旁嘅 Yakiniku Great，全店主打一样食物，日本黑毛和牛！餐厅走fine dining 路线，所以座位唔多，bar 枱大约可以坐10-12个人，另有一长枱适合大班人一齐畅聚。由于餐厅走专业高档路线，所以只主打和牛，当中有唔同嘅部位任君选择，bar 枱前有一幅 beef cut 大图片，客人可以清楚对照餐牌上唔同牛肉部位嘅位置同名称。我对牛肉部位唔太理解，所以职员都好细心，会逐一解释每个部位嘅口感同肉味。如果都系揸唔定主意，仲可以拣omakase。我就选择咗一个每日限量供应10 set 嘅 KIWAMI omakase。呢款omakase 总共有7款肉，一开始当然系刺身 Negitoro，大块紫菜上摆放了少许饭，再配上和牛肉茸，少许洋葱、葱粒及淡酱油，一次过放入口，味道完全不如想像。初头以为会食到好浓嘅牛肉味，甚至会有少许腥味。但食落先发现，原来系十分清新嘅鲜味，有少许似食呑拿鱼toro，牛肉脂肪令肉质非常嫩滑，淡淡牛肉味随之而来，系意料之外嘅味
位于石板街旁嘅 Yakiniku Great，全店主打一样食物，日本黑毛和牛！餐厅走fine dining 路线，所以座位唔多，bar 枱大约可以坐10-12个人，另有一长枱适合大班人一齐畅聚。
由于餐厅走专业高档路线，所以只主打和牛，当中有唔同嘅部位任君选择，bar 枱前有一幅 beef cut 大图片，客人可以清楚对照餐牌上唔同牛肉部位嘅位置同名称。
我对牛肉部位唔太理解，所以职员都好细心，会逐一解释每个部位嘅口感同肉味。如果都系揸唔定主意，仲可以拣omakase。
我就选择咗一个每日限量供应10 set 嘅 KIWAMI omakase。
呢款omakase 总共有7款肉，一开始当然系刺身 Negitoro，大块紫菜上摆放了少许饭，再配上和牛肉茸，少许洋葱、葱粒及淡酱油，一次过放入口，味道完全不如想像。初头以为会食到好浓嘅牛肉味，甚至会有少许腥味。但食落先发现，原来系十分清新嘅鲜味，有少许似食呑拿鱼toro，牛肉脂肪令肉质非常嫩滑，淡淡牛肉味随之而来，系意料之外嘅味道。
刺身之后系Shakushi 同 Misuji 职员除咗介绍每一款和牛之外，仲会为你烧埋，当然客人亦可以选择自己动手，享受烧肉嘅乐趣。一薄一厚嘅两个不同部位都系稀少部分，Shakushi 每边烧约三秒之后配上bubble soy sauce 同即磨wasabi 一齐食，食落觉得油脂含量较高，淡淡肉味。相反牛肉粒 Misuji 就牛肉味浓郁，亦因为厚切嘅关系，食落好似食和牛扒一样，肉味蔓延口腔之中。
再嚟就系人企最高嘅Misuji同Daisankaku。相比之前厚切，misuji 薄肉片入口即融，而Daisankaku系赤身肉，油花无咁丰富，但食落肉味更浓郁，更有嚼口。两款肉各自配上以苹果汁同麻油特制嘅烧肉酱汁，增加味道层次。
第三碟烧肉系厚切西冷，肉味最浓，油花不算多但分布平均，而且好有弹性！
再之后就系一个配木鱼汤嘅烧肉，原谅我真系记唔得晒d名称，因为实在太相似，又全部日文。呢款烧肉每边烧几秒，跟住将佢浸落木鱼汤到进食，其实用嚟间场的确几好，木鱼汤可以帮手清一清口腔，迎接之后嘅最后一碟和牛，亦系全晚嘅主角！
Chateaubriand系整只牛最中心、最厚、最高级嘅部份，系非常柔软嘅极上和牛肉，职员话一只牛只得3块呢个部位，真系不得了！
职员烧到半熟后将牛肉放喺白饭面，面头再放上新鲜北海道海胆，再淋上用牛油、蒜头同酱油煮成嘅酱汁，再洒d葱粒，望见都流晒口水！相机食咗几十次自己都未食！海胆牛肉同日本香饭一次过摆入口，系形容唔到嘅美味！如果话金莎系天堂跌入凡间嘅美食，呢个绝对系宇宙跌入我面前嘅人间珍品！
张贴
